മുംബൈ: രാജ്യത്ത് കുറഞ്ഞ നിരക്കിൽ വിമാനയാത്രയ്ക്ക് ഇൻഡിഗോ എയർലൈൻസിന്റെ പ്രത്യേക ഓഫർ. ആഭ്യന്തര റൂട്ടുകളിൽ 999 രൂപ മുതലുള്ള ടിക്കറ്റുകൾ ലഭ്യമാണ്.വാലന്‍റൈൻസ് ഡേ സെയിലിനോടനുബന്ധിച്ചാണ് ഇന്‍ഡിഗോ വമ്പന്‍ ഓഫറുകൾ പ്രഖ്യാപിച്ചിരിക്കുന്നത്.
ചൊവ്വാഴ്ച തുടങ്ങിയ ഓഫറിൽ വെള്ളിയാഴ്ച വരെ പത്ത് ലക്ഷം യാത്രക്കാര്‍ക്ക് കുറഞ്ഞ നിരക്കിൽ ടിക്കറ്റ് ബുക്ക് ചെയ്യാൽ അവസരമുണ്ട്.
മാര്‍ച്ച് ഒന്ന് മുതല്‍ സെപ്റ്റംബര്‍ 30 വരെയുള്ള യാത്രകള്‍ക്കാണ് ഈ ഓഫര്‍ ലഭിക്കുക.
എച്ച്ഡിഎഫ്സി പേസാപ്പ് വാലറ്റ് വഴി ടിക്കറ്റ് ബുക്ക് ചെയ്യുന്ന ഉപഭോക്താക്കൾക്ക് 1000 രൂപ വരെ അല്ലെങ്കിൽ 15 ശതമാനം അധിക കാഷ്ബാക്ക് ലഭിക്കുമെന്നും ഇൻഡിഗോ അറിയിച്ചു.
