തിരുവനന്തപുരം: ഇഐഎ വിജ്ഞാപനപ്രകാരം സില്‍വര്‍ ലൈന്‍ അര്‍ധ അതിവേഗ റെയില്‍ പദ്ധതിക്ക് കേന്ദ്രത്തിൻ്റെ പാരിസ്ഥിതിക അനുമതി ആവശ്യമില്ലെന്ന് കേരള റെയില്‍ ഡെവലപ്മെന്‍റ് കോര്‍പറേഷന്‍ (കെ-റെയില്‍).
കേന്ദ്ര പരിസ്ഥിതി വനം മന്ത്രാലയത്തിൻ്റെ 2006 ലെ ഇഐഎ വിജ്ഞാപനപ്രകാരം റെയില്‍ പദ്ധതികളെ പാരിസ്ഥിതിക അനുമതി നേടേണ്ട പദ്ധതികളുടെ പട്ടികയില്‍ ഉള്‍പ്പെടുത്തിയിട്ടില്ലെന്നും അതുകൊണ്ടുതന്നെ രാജ്യത്ത് നടപ്പാക്കുന്ന റെയില്‍ പദ്ധതികള്‍ക്ക് അത്തരം അനുമതിയുടെ ആവശ്യമില്ലെന്നും കെ-റെയില്‍ അധികൃതര്‍ വ്യക്തമാക്കി.
ഇതുമായി ബന്ധപ്പെട്ട് കഴിഞ്ഞ ദിവസം കേരളത്തില്‍നിന്നുള്ള ലോക്സഭാ അംഗങ്ങളുടെ ചോദ്യങ്ങള്‍ക്ക് കേന്ദ്ര പരിസ്ഥിതി വനം മന്ത്രി ഭൂപേന്ദ്ര യാദവ് ഉത്തരം നല്‍കിയിരുന്നു.
എന്നാല്‍, ഇത് കേരളം കേന്ദ്രത്തിൻ്റെ പാരിസ്ഥിതിക അനുമതി തേടിയിട്ടില്ലെന്നതരത്തില്‍ തെറ്റിദ്ധാരണ പടരാന്‍ ഇടയാക്കിയെന്നാണ് കെ-റെയില്‍ വിശദീകരണം. വലിയ പദ്ധതികള്‍ നടപ്പാക്കുമ്പോള്‍ സംസ്ഥാന സര്‍ക്കാറുകള്‍ കേന്ദ്രത്തിൻ്റെ പാരിസ്ഥിതിക അനുമതി എടുക്കേണ്ടതുണ്ടോ എന്നതായിരുന്നു അംഗങ്ങളുടെ ചോദ്യം.
2006 ലെ ഇഐഎ വിജ്ഞാപനത്തിൻ്റെ പട്ടികയില്‍ ഉള്‍പ്പെടുത്തിയിട്ടുള്ള എല്ലാ പുതിയ പദ്ധതികള്‍ക്കും പാരിസ്ഥിതിക അനുമതി മുന്‍കൂറായി
