കൊച്ചി: സുഹൃത്തിന്റെ വീട്ടില് നിന്ന് 10 പവന് സ്വര്ണ്ണം മോഷ്ടിച്ച പൊലീസുകാരന് അറസ്റ്റില്. എറണാകുളം ഞാറയ്ക്കല് സ്വദേശി നടേശന്റെ വീട്ടിലാണ് കവര്ച്ച നടന്നത്. സിറ്റി എ.ആര്.ക്യാമ്പിലെ അമല്ദേവാണ് കേസില് അറസ്റ്റിലായത്.
നടേശന്റെ മകന്റെ ഭാര്യയുടെ സ്വര്ണ്ണം അമല് ദേവ് കവര്ന്നെടുത്തുവെന്നാണ് പരാതി. പ്രതിയായ പൊലീസുകാരന് കുറ്റം സമ്മതിച്ചതായാണ് റിപ്പോര്ട്ടുകള്. ഇയാളെ ഇന്ന് കോടതിയില് ഹാജരാക്കും.