
പട്ന: രാജ്യത്ത് 2024 ൽ നടക്കാനിരിക്കുന്ന ലോക്സഭാ തെരഞ്ഞെടുപ്പില് ബിജെപിയെ പ്രധാനമന്ത്രി നരേന്ദ്ര മോദി തന്നെ നയിക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ.
പോഷക സംഘടനകളുടെ സംയുക്ത ദേശീയ എക്സിക്യൂട്ടീവ് യോഗത്തിലാണ് മോദിയുടെ നേതൃത്വത്തില് പാര്ട്ടി 2024 ലെ പൊതു തെരഞ്ഞെടുപ്പിനെ നേരിടുമെന്നും മൂന്നാം തവണയും സര്ക്കാര് രൂപീകരിക്കുമെന്നും അമിത് ഷാ പറഞ്ഞത്.
2014ലെയും 2019ലെയും തെരഞ്ഞെടുപ്പുകളില് നേടിയതിനേക്കാള് കൂടുതല് സീറ്റുകള് എന്ഡിഎ നേടുമെന്നും അമിത് ഷാ പറഞ്ഞു.