Home Entertainment സിനിമാ സീരിയൽ താരം ചന്ദ്ര ലക്ഷ്മൺ വിവാഹിതയാകുന്നു

സിനിമാ സീരിയൽ താരം ചന്ദ്ര ലക്ഷ്മൺ വിവാഹിതയാകുന്നു

0

കൊച്ചി: സിനിമാ സീരിയൽ താരം ചന്ദ്ര ലക്ഷ്മൺ വിവാഹിതയാകുന്നു. സീരിയൽ നടൻ ടോഷ് ക്രിസ്റ്റിയാണ് വരൻ. ചന്ദ്ര ലക്ഷ്മൺ തന്നെയാണ് സോഷ്യൽ മീഡിയ പോസ്റ്റിലൂടെ വിവാഹ വാർത്ത പുറത്തുവിട്ടത്. ചേർത്തുപിടിച്ച കൈകളുടെ ചിത്രത്തിനൊപ്പമായിരുന്നു കുറിപ്പ്.

വിവാഹത്തെക്കുറിച്ചുള്ള അവസാനിക്കാത്ത ചോദ്യങ്ങൾക്ക് ഇവിടെ അന്ത്യമാവുകയാണെന്നാണ് ചന്ദ്ര കുറിച്ചത്. “അതെ, എന്നാണ് ഞങ്ങൾ പറഞ്ഞത്. ഞങ്ങളുടെ കുടുംബാം​ഗങ്ങളുടെ സമ്മതത്തോടെയും അനുഗ്രഹത്തോടെയും ഒരു പുതിയ യാത്ര ആരംഭിക്കുമ്പോൾ, ഞങ്ങളുടെ സന്തോഷത്തിൽ ഞങ്ങളുടെ അഭ്യുദയകാംക്ഷികളായ നിങ്ങളെയും പങ്കാളികളാക്കണമെന്ന് ഞങ്ങൾ ആഗ്രഹിക്കുന്നു.

എൻ്റെ വിവാഹത്തെക്കുറിച്ചുള്ള അവസാനിക്കാത്ത ചോദ്യങ്ങൾക്ക് ഇവിടെ അവസാനമാവുന്നു. ഞങ്ങളെ അനുഗ്രഹിക്കുക. പ്രാർഥനകളിൽ ഓർക്കുക. വഴിയേ എല്ലാം അറിയിക്കാം” ടോഷ് ക്രിസ്റ്റിയെ ടാ​ഗ് ചെയ്തുകൊണ്ടാണ് പോസ്റ്റ്.

2002ൽ പുറത്തിറങ്ങിയ ‘മനസെല്ലാം’ എന്ന തമിഴ് ചിത്രത്തിലൂടെയാണ് ചന്ദ്ര സിനിമയിലെത്തുന്നത്. ‘സ്റ്റോപ്പ് വയലൻസ്’ എന്ന പൃഥ്വിരാജ് ചിത്രത്തിലൂടെ മലയാള സിനിമയിലേക്കും എത്തി. ചക്രം, കല്യാണ കുറിമാനം, ബോയ്ഫ്രണ്ട്, പച്ചക്കുതിര, പായും പുലി, കാക്കി തുടങ്ങിയ ചിത്രങ്ങളിലും ശ്രദ്ധേയ വേഷങ്ങൾ ചെയ്തു. തുടർന്നാണ് സീരിയൽ രം​ഗത്ത് ശ്രദ്ധേയമാകുന്നത്. നിരവധി ഹിറ്റ് പരമ്പരകളിലും ശ്രദ്ധേയ വേഷങ്ങൾ ചന്ദ്ര അഭിനയിച്ചു. സ്വന്തം സുജാത എന്ന സീരിയലിൽ ഒന്നിച്ചു അഭിനയിച്ചുകൊണ്ടിരിക്കുകയാണ് ചന്ദ്രയും ടോഷും.

LEAVE A REPLY

Please enter your comment!
Please enter your name here