തിരുവനന്തപുരം: മൊബൈൽ ഫോൺ ഉപയോഗിക്കുന്നവർ മുൻകരുതൽ എടുക്കണമെന്ന്​ മുന്നറിയിപ്പുമായി പൊലീസ്​. ബിഎസ്​എൻഎൽ സിം കേ​ന്ദ്രീകരിച്ചാണ്​ ഈ തട്ടിപ്പ്​ വ്യാപകമാകുന്നത്. ബിഎസ്​എൻഎൽ സിം ഉപയോക്​താക്കളുടെ കെവൈസി വെരിഫിക്കേഷൻ എന്ന വ്യാജേന ഫോൺ മുഖേന ബന്ധപ്പെട്ട്​ പണം തട്ടുന്ന സംഘം സജീവമാണ്​.

പോലീസ് നൽകുന്ന നിർദ്ദേശം ഇങ്ങനെ.

നിങ്ങളുടെ ബിഎസ്​എൻഎൽ സിം കാർഡ് ബ്ലോക്കാകുമെന്നും കെവൈസി വെരിഫിക്കേഷനായി എത്രയും പെട്ടെന്ന് ബന്ധപ്പെടുക എന്നും പറഞ്ഞ് ടെക്സ്​റ്റ്​ മെസ്സജുകളും ഫോൺ കോളുകളും വരുന്നതാണ്​ തുടക്ക.വിശ്വസിനീയമായ രീതിയിൽ വ്യാജ ആപ്പിക്കേഷനുകൾ ഉപഭോക്താക്കളുടെ ഫോണിൽ ഇൻസ്റ്റാൾ ചെയ്യാനും തുടർന്ന് ആപ്ലിക്കേഷൻ ഓപ്പൺ ആയി വരുന്നതിൽ കാണുന്ന “BSNL KYC ID നമ്പർ ” പറഞ്ഞ് തരാനും ആവശ്യപ്പെടുകയും, സ്ക്രീനിൽ കാണുന്ന agree ബട്ടൺ അമർത്തിയ ശേഷം ക്രെഡിറ്റ്/ഡെബിറ്റ് കാർഡ് ഉപയോഗിച്ച്‌ ഓൺലൈനായി നിങ്ങളുടെ തന്നെ മൊബൈൽ നമ്പർ പത്ത് രൂപയ്ക്ക് റിചാർജ് ചെയ്യാനും നിർദ്ദേശിക്കും.

പക്ഷേ റീച്ചാർജ് തുകയോടൊപ്പം നിങ്ങൾക്ക് നഷ്ടപ്പെടുക പതിനായിരങ്ങൾ ആയിരിക്കും. ഇവിടെ നിങ്ങൾ സ്ക്രീനിൽ ടൈപ്പ് ചെയ്യുന്ന എടിഎം കാർഡ് നമ്പറും രഹസ്യ ഒടിപി വരുന്നതുമെല്ലാം അതേപടി തട്ടിപ്പുകാരന്റെ കൈയ്യിൽ എത്തുന്നതാണ് ഈ സംവിധാനം.

ഇത്തരക്കാർക്കെതിരെ യാതൊരു കാരണവശാലും നിങ്ങളുടെ ബാങ്ക് വിവരങ്ങളോ ബാങ്ക് ഡെബിറ്റ് ക്രഡിറ്റ് കാർഡ് വിവരങ്ങളോ നൽകരുതെന്ന്​ പൊലീസ്​ പറയുന്നു.തട്ടിപ്പിനിരയായാൽ ഉടനെ ബന്ധപ്പെട്ട ബാങ്കുമായും പോലീസ് സ്​റ്റേഷനുമായും എത്രയും പെട്ടന്ന് ബന്ധപെടണമെന്ന്​ അധികൃതർ പറയുന്നു.