കൊച്ചി : കാലടി ശ്രീ ശങ്കര കോളേജില്‍ വിദ്യാര്‍ത്ഥിക്ക് കുത്തേറ്റു. എസ്‌എഫ്‌ഐ പ്രവര്‍ത്തകര്‍ നടത്തിയ ഡിജെ പാര്‍ട്ടിക്കിടെയാണ് സംഭവം. കീഴില്ലം സ്വദേശി അമല്‍ ശിവനാണ് കുത്തേറ്റത്. ഇയാളെ അങ്കമാലിയിലെ സ്വകാര്യ ആശുപത്രില്‍ പ്രവേശിപ്പിച്ചിരിക്കുകയാണ്.
കുത്തേറ്റ് ആശുപത്രിയില്‍ പ്രവേശിപ്പിച്ച അമലിന്റെ നില ഗുരുതരമാണെന്ന് ആശുപത്രി അധികൃതര്‍ വ്യക്തമാക്കി. എസ്‌എഫ്‌ഐയുടെ മാഗസിന്‍ പ്രകാശനവുമായി ബന്ധപ്പെട്ടാണ് ഡിജെ പാര്‍ട്ടി സംഘടിപ്പിച്ചത്. കുത്തേറ്റയാള്‍ ക്യാമ്പസിന് പുറത്തുനിന്നും എത്തിയതാണെന്നുള്ള ആരോപണവും ഉയര്‍ന്നിട്ടുണ്ട്.