കൊ​ച്ചി: സ്വർണ വിലയിൽ വീണ്ടും കുതിപ്പ്. കൊറോണ ഉയർത്തിയ മാന്ദ്യത്തിൽ സ്വർണം സുരക്ഷിത നിക്ഷേപമായി കാണുന്നതാണ് വില കുതിച്ചുയരാൻ കാരണം. റിക്കോർഡുകൾ ഭേദിച്ചാണ് വില കുതിക്കുന്നത്.
ഇന്ന് പവന് 400 രൂപയാണ് വർധിച്ചത്. ഇതോടെ പവന് ചരിത്രത്തിലെ ഏറ്റവും ഉയർന്ന വിലയായ 32,320 രൂപയിലെത്തി. ഗ്രാ​മി​ന് 50 രൂ​പ വ​ര്‍​ധി​ച്ച് 4,040 രൂ​പ​യാ​യി.

വ്യാഴാഴ്ച പവന് 80 രൂപയുടെ നേരിയ വിലക്കുറവുണ്ടായ ശേഷമാണ് ഇന്ന് വില കുതിച്ചത്. കോ​വി​ഡ് 19 വൈ​റ​സ് ബാ​ധ​യെ​ത്തു​ട​ര്‍​ന്ന് ലോ​ക രാ​ജ്യ​ങ്ങ​ള്‍ രൂ​ക്ഷ​മാ​യ സാ​മ്പ​ത്തി​ക മാ​ന്ദ്യ​ത്തി​ലേ​ക്ക് വീ​ഴാ​ന്‍ സാ​ധ്യ​ത​യു​ണ്ടെ​ന്ന സൂ​ച​ന​ക​ള്‍​ക്കു പി​ന്നാ​ലെ​യാ​ണ് സ്വ​ര്‍​ണ​വി​ല ഉ​യ​രു​ന്ന​ത്.

ഫെബ്രുവരി 24ന് ​ഗ്രാ​മി​ന് 4,000 രൂ​പ​യും പ​വ​ന് 32,000 രൂ​പ​യും രേ​ഖ​പ്പെ​ടു​ത്തി​യ​താ​ണ് ഇ​തു​വ​രെ​യു​ണ്ടാ​യി​രു​ന്ന റിക്കോർഡ് വില. നി​ല​വി​ലെ സ്ഥി​തി തു​ട​ര്‍​ന്നാ​ല്‍ സ്വ​ര്‍​ണ വി​ല 40000 കടക്കുമെന്ന്
ചില സാമ്പത്തിക വിദഗ്ധർ പറയുന്നു.