ന്യൂഡെൽഹി: കൊറോണ വീണ്ടും ഭീഷണിയാകുമ്പോൾ എ, ബി രക്തഗ്രൂപ്പുകളും ആർഎച്ച് പോസിറ്റീവ് ഉള്ള ആളുകൾ കൊറോണ അണുബാധയ്ക്ക് കൂടുതൽ വിധേയരാവുന്നുവെന്ന് പഠനം. എന്നാൽ ഒ, എബി, ആർഎച്ച് നെഗറ്റീവ് എന്നീ രക്തഗ്രൂപ്പുകളിലുള്ളവർക്ക് അണുബാധയ്ക്കുള്ള എന്നാൽ ഒ, എബി, ആർഎച്ച് നെഗറ്റീവ് എന്നീ രക്തഗ്രൂപ്പുകളിലുള്ളവർക്ക് അണുബാധയ്ക്കുള്ള സാധ്യത വളരെ കുറവാണെന്നും പഠനത്തിൽ പറയുന്നു.
ഡെൽഹിയിലെ സർ ഗംഗാറാം ആശുപത്രിയിലെ ഡോക്ടർമാർ നടത്തിയ പഠനത്തിലാണ് ഈ കണ്ടെത്തൽ. മൊത്തം 2,586 കൊറോണ പോസിറ്റീവ് രോഗികളിൽ ഗവേഷണം നടത്തിയതായി പഠനത്തിൽ പറയുന്നു. 2020 ഏപ്രിൽ 8 മുതൽ ഒക്ടോബർ 4 വരെ ആശുപത്രിയിൽ പ്രവേശിപ്പിക്കപ്പെട്ട രോഗികളെ PCR (RT-PCR) വഴി പരിശോധിച്ചു. എസ്ജിആർഎച്ചിലെ ഡിപ്പാർട്ട്മെന്റ് ഓഫ് റിസർച്ചും ഡിപ്പാർട്ട്മെന്റ് ഓഫ് ബ്ലഡ് ട്രാൻസ്‌ഫ്യൂഷൻ മെഡിസിനും ചേർന്നാണ് പഠനം നടത്തിയത്. ‘ഫ്രോണ്ടിയേഴ്സ് ഇൻ സെല്ലുലാർ ആൻഡ് ഇൻഫെക്ഷൻ മൈക്രോബയോളജി’ ജേണലിൽ പഠനം പ്രസിദ്ധീകരിച്ചു.
ഈ പഠനത്തിൽ എ,ബി,ഒ, ആർഎച്ച് രക്തഗ്രൂപ്പുകൾക്ക് കൊറോണ രോഗബാധ, രോഗനിർണയം, വീണ്ടെടുക്കൽ സമയം, മരണനിരക്ക് എന്നിവയുമായുള്ള ബന്ധത്തെക്കുക്കുറിച്ച്‌ ഞങ്ങൾ പരിശോധിച്ചു. എ, ബി, ആർഎച്ച്+ എന്നീ രക്തഗ്രൂപ്പുകളുള്ള ആളുകൾക്ക് കൊറോണ അണുബാധയ്ക്ക് സാധ്യത കൂടുതലാണ്, അതേസമയം (ഒ, എബി, ആർഎച്ച്- ഉള്ളവർ) കൊറോണ അണുബാധയ്ക്കുള്ള സാധ്യത കുറവാണെന്ന് പഠനത്തിൽ പറയുന്നു.
രക്തഗ്രൂപ്പുകളും രോഗത്തിൻറെ തീവ്രതയും മരണനിരക്കും തമ്മിൽ യാതൊരു ബന്ധവും കണ്ടെത്തിയിട്ടില്ല. ചുവന്ന രക്താണുക്കളുടെ (RBCs) ഉപരിതലത്തിൽ കാണപ്പെടുന്ന ഒരു പ്രോട്ടീനാണ് Rh ഘടകം. നമ്മുടെ രക്തഗ്രൂപ്പുകൾക്ക് അടുത്തുള്ള പോസിറ്റീവ് അല്ലെങ്കിൽ നെഗറ്റീവ് ചിഹ്നം Rh ഘടകത്തെ സൂചിപ്പിക്കുന്നു. അതിനാൽ, പോസിറ്റീവ് രക്തഗ്രൂപ്പ് ഉണ്ടെങ്കിൽ, ഇതിനർത്ഥം രക്തകോശങ്ങൾക്ക് Rh പ്രോട്ടീൻ ഉണ്ടെന്നാണ്. നിങ്ങൾക്ക് നെഗറ്റീവ് രക്തഗ്രൂപ്പ് ഉണ്ടെങ്കിൽ, രക്തകോശങ്ങളിൽ Rh പ്രോട്ടീൻ ഇല്ല…’ – എസ്ജിആർഎച്ചിലെ , ഡിപ്പാർട്ട്മെന്റ് ഓഫ് റിസർച്ചിലെ ഡോ. രശ്മി റാണ പറഞ്ഞു.
ബി, എബി രക്തഗ്രൂപ്പുള്ള സ്ത്രീകളെക്കാൾ ബി ബ്ലഡ് ഗ്രൂപ്പുള്ള പുരുഷന്മാർക്ക് കൊറോണ പിടിപെടാനുള്ള സാധ്യത കൂടുതൽ ആണെന്ന് ഞങ്ങൾ കണ്ടെത്തി. 60 വയസ്സിന് മുകളിലുള്ള രോഗികളിൽ അണുബാധയ്ക്ക് കൂടുതൽ സാധ്യതയുള്ളതായി നിരീക്ഷിച്ചുവെന്ന് SGRH-ലെ Department of Blood Transfusion വിഭാഗം മേധാവി ഡോ. വിവേക് രഞ്ജൻ പറഞ്ഞു.
