കണ്ണൂര്: അഗതിമന്ദിരത്തില് ഭക്ഷ്യവിഷബാധയേറ്റ് ഒരാള് മരിച്ചു. അന്തേവാസിയായ പീതാംബരനാണ് മരിച്ചത്. നാലുപേരെ ആശുപത്രിയില് പ്രവേശിപ്പിച്ചു. ഒരാളുടെ നില ഗുരുതരമാണ്. നേരത്തെ കൊറോണ ബാധിച്ച് രോഗ മുക്തനായിരുന്നു പീതാബംരൻ. പീതാംബരനെ ആശുപത്രിയിലെത്തിച്ചപ്പോഴേക്കും മരിച്ചിരുന്നു.
അബ്ദുൾ സലാം ( 75), റഫീഖ് (37), ഗബ്രിയേൽ (56), പ്രകാശൻ (52) എന്നിവരെ കണ്ണൂർ ശ്രീ ചന്ദ് ആശുപത്രിയിൽ പ്രവേശിപ്പിച്ചു. ഉച്ചഭക്ഷണത്തില് നിന്നാണ് ഭക്ഷ്യവിഷബാധയേറ്റയത്. ഒരേ മുറിയില് താമസിക്കുന്നവര്ക്കാണ് ഭക്ഷ്യവിഷബാധയേറ്റത്. പരിശോധനയില് ഒരാള്ക്ക് കൊറോണ സ്ഥിരീകരിച്ചിട്ടുണ്ട്. സംഭവത്തില് ദൂരൂഹതയുണ്ടെന്നാണ് പോലീസ് പറയുന്നു.
നിരവധി അന്തേവാസികള് താമസിക്കുന്ന അഗതി മന്ദിരത്തിലെ മറ്റാര്ക്കും ഭക്ഷ്യവിഷബാധയേറ്റിട്ടില്ല. ഒരു മുറിയില് താമസിച്ച ആളുകൾക്കാണ് ഭക്ഷ്യവിഷബാധയേറ്റത്. ഭക്ഷണത്തിൽ മുറിയിലെ ആരെങ്കിലും ഒരാള് വിഷം കലര്ത്തിയതാവാമെന്നും പോലീസ് സംശയിക്കുന്നു.