മുംബൈ: ബോളിവുഡ് താരം യാമി ഗൗതവും ബോളിവുഡ് സംവിധായകൻ ആദിത്യ ധറും വിവാഹിതരായി. അടുത്ത ബന്ധുക്കൾ മാത്രം പങ്കെടുത്ത ചടങ്ങിൽ ഞങ്ങളുടെ കുടുംബങ്ങളുടെ അനുഗ്രഹത്തോടെ ഇന്ന് ഞങ്ങൾ വിവാഹിതരായി.
ഈ സന്തോഷകരമായ നിമിഷം ഞങ്ങളുടെ അടുത്ത കുടുംബാംഗങ്ങളോടൊപ്പം ആഘോഷിച്ചു. സ്‌നേഹത്തിന്റെയും സൗഹൃദത്തിന്റെയും യാത്ര ആരംഭിക്കുമ്പോൾ, നിങ്ങളുടെ അനുഗ്രഹങ്ങളും ആശംസകളും ഞങ്ങൾ തേടുന്നു ,വിവാഹചിത്രം പങ്കു വച്ച് യാമി സോഷ്യൽ മീഡിയയിൽ കുറിച്ചു.
ചടങ്ങിൻ്റെ ചിത്രം സമൂഹമാധ്യമങ്ങളിലൂടെ ഇരുവരും പങ്കുവച്ചു. ‘ഉറി: ദി സർജിക്കൽ സ്ട്രൈക്കി’ലൂടെ ശ്രദ്ധ നേടിയ സംവിധായകനാണ് ആദിത്യ ധർ. ചിത്രത്തിൽ യാമി ഗൗതവും ഒരു പ്രധാന കഥാപാത്രത്തെ അവതരിപ്പിച്ചിരുന്നു. ഹീറോ എന്ന പൃഥ്വിരാജ് ചിത്രത്തിലൂടെ മലയാളികൾക്കും സുപരിചിതയാണ് യാമി ഗൗതം.
