ന്യൂഡെൽഹി: കൊറോണ രോഗമുക്തയായ ശേഷം ആരോഗ്യസ്ഥിതി വഷളായ ടൈംസ് ഗ്രൂപ്പ് ചെയർപേഴ്സണ്‍ ഇന്ദു ജെയ്ൻ(84) അന്തരിച്ചു. മൃതദേഹം പിന്നീട് സംസ്കരിക്കും.രോഗമുക്തയായതിന് ശേഷമുണ്ടായ ആരോഗ്യപ്രശ്നങ്ങളാണ് മരണകാരണം.
ആത്മീയാന്വേഷി, മനുഷ്യസ്നേഹി, വനിതാ അവകാശ പ്രവർത്തക തുടങ്ങിയ മേഖലകളിൽ ഇന്ദു ജെയ്ൻ ശ്രദ്ധയാകർഷിച്ചിരുന്നു. 1999ലാണ് ഇവർ ടൈംസ് ഗ്രൂപ്പിന്‍റെ ചെയർപേഴ്സണായി ചുമതലയേറ്റത്. 2000ത്തിൽ ടൈംസ് ഫൗണ്ടേഷൻ സ്ഥാപിച്ചു.
2006ൽ രാജ്യം പദ്മഭൂഷണ്‍ നൽകി ആദരിച്ചു. ഇന്ദു ജെയ്ന്‍റെ മരണത്തിൽ പ്രധാനമന്ത്രി നരേന്ദ്ര മോദി ദുഖം രേഖപ്പെടുത്തി.
