ബ്രി​ട്ട​നി​ലെ മ്യാ​ൻ​മ​ർ അം​ബാ​സി​ഡ​റെ പു​റ​ത്താ​ക്കി; ഓ​ഫീ​സ് പൂ​ട്ടി​

ല​ണ്ട​ൻ: ഓ​ഫീ​സ് പൂ​ട്ടി​ ബ്രി​ട്ട​നി​ലെ മ്യാ​ൻ​മ​ർ അം​ബാ​സി​ഡ​റെ പു​റ​ത്താ​ക്കിയ​താ​യി റി​പ്പോ​ർ​ട്ട്. ക്യാ​വ് സ്വാ​ർ മി​ന്നി​നെ​യാ​ണ് ജീ​വ​ന​ക്കാ​ർ ഓ​ഫീ​സി​ൽ​നി​ന്നും പു​റ​ത്താ​ക്കി​യ​ത്. ഉ​പ​സ്ഥാ​ന​പ​തി സൈ​ന്യ​ത്തി​നു വേ​ണ്ടി അം​ബാ​സി​ഡ​റു​ടെ ചു​മ​ത​ല ഏ​റ്റെ​ടു​ത്ത​താ​യും റി​പ്പോ​ർ​ട്ടു​ണ്ട്. പ​ട്ടാ​ള അ​ട്ടി​മ​റി​യി​ലൂ​ടെ പു​റ​ത്താ​ക്ക​പ്പെ​ട്ട ആ​ങ് സാ​ൻ സൂ​ചി​യെ മോ​ചി​പ്പി​ക്ക​ണ​മെ​ന്ന് മി​ൻ നേ​ര​ത്തെ ആ​വ​ശ്യ​പ്പെ​ട്ടി​രു​ന്നു.

ഇ​താ​ണ് മി​ന്നി​നെ പു​റ​ത്താ​ക്കാ​ൻ പ​ട്ടാ​ള ഭ​ര​ണ​കൂ​ടം നീ​ക്കം ന​ട​ത്തി​യ​തെ​ന്ന് പ​റ​യു​ന്നു. ല​ണ്ട​നി​ലെ എം​ബ​സി​ക്കു​മു​ന്നി​ൽ നി​ൽ​ക്കു​ന്ന മി​ന്നി​ന്‍റെ ചി​ത്ര​ങ്ങ​ൾ മാ​ധ്യ​മ​ങ്ങ​ൾ പു​റ​ത്തു​വി​ട്ടു. അ​ട്ടി​മ​റി​യാ​ണ് ന​ട​ന്നി​രി​ക്കു​ന്ന​ത്. സൈ​ന്യ​വു​മാ​യി അ​ടു​പ്പ​മു​ള്ള ജീ​വ​ന​ക്കാ​ർ ത​ന്നോ​ട് കെ​ട്ടി​ടം ഒ​ഴി​യാ​ൻ ആ​വ​ശ്യ​പ്പെ​ട്ടു. ഇ​പ്പോ​ൾ മു​ത​ൽ താ​ൻ രാ​ജ്യ​ത്തി​ന്‍റെ പ്ര​തി​നി​ധി​യ​ല്ലെ​ന്ന് അ​റി​യി​ച്ചെ​ന്നും മി​ൻ പ​റ​ഞ്ഞു.

ജ​നാ​ധി​പ​ത്യ സ​ർ​ക്കാ​രി​നെ അ​ട്ടി​മ​റി​ച്ച് ഫെ​ബ്രു​വ​രി ഒ​ന്നി​ന് പ​ട്ടാ​ളം ഭ​ര​ണം പി​ടി​ച്ചെ​ടു​ത്ത​തി​നെ​ത്തു​ട​ർ​ന്ന് മ്യാ​ൻ​മ​റി​ൽ സം​ഘ​ർ​ഷം നി​ല​നി​ൽ​ക്കു​ക​യാ​ണ്. ഇ​തു​വ​രെ 581 പേ​രെ​യാ​ണു സൈ​ന്യം കൊ​ല​പ്പെ​ടു​ത്തി​യ​ത്.

ക​ഴി​ഞ്ഞ ദി​വ​സം വ​ട​ക്കു​പ​ടി​ഞ്ഞാ​റ​ൻ മ്യാ​ൻ​മ​റി​ലെ കാ​ലെ ന​ഗ​ര​ത്തി​ൽ പ​ട്ടാ​ള​വും സാ​ധാ​ര​ണ​ക്കാ​രും ത​മ്മി​ലു​ണ്ടാ​യ ഏ​റ്റു​മു​ട്ട​ലി​ൽ ഏ​ഴു പേ​ർ മ​രി​ച്ചു.