ന്യൂഡെൽഹി: കോൺഗ്രസിലായിരിക്കുമ്പോഴും ശരത് പവാറിൻ്റെ വിശ്വസ്തനായിരുന്ന പി സി ചാക്കോ ഒടുവിൽ പഴയ ലാവണത്തിലേക്ക് മടങ്ങി. ചാക്കോ എൻസിപിയിൽ അംഗത്വം സ്വീകരിച്ചതോടെ എൽഡിഎഫ് പാളയത്തിലെത്തി. എൽഡിഎഫുമായി സഹകരിച്ചാകും ഇനി പി സി ചാക്കോ പ്രവർത്തിക്കുകയെന്നും, അദ്ദേഹത്തിന് മുന്നണിയിലേക്ക് സ്വാഗതമെന്നും സിപിഎം ദേശീയ സെക്രട്ടറി സീതാറാം യെച്ചൂരി പറഞ്ഞു.

നേ​ര​ത്തെ, എ​ൻ​സി​പി ദേ​ശീ​യ അ​ധ്യ​ക്ഷ​ൻ ശ​ര​ദ് പ​വാ​റു​മാ​യി പിസി. ചാ​ക്കോ ച​ർ​ച്ച ന​ട​ത്തി​യി​രു​ന്നു. തു​ട​ർ​ന്നാ​ണ് അ​ദ്ദേ​ഹം യെ​ച്ചൂ​രി​ക്കൊ​പ്പം മാ​ധ്യ​മ​ങ്ങ​ളെ ക​ണ്ട​ത്. ചാ​ക്കോ അ​ടു​ത്ത ദി​വ​സം മു​ത​ൽ കേ​ര​ള​ത്തി​ൽ ഇ​ട​തു​പ​ക്ഷ സ്ഥാ​നാ​ർ​ഥി​ക​ൾ​ക്കാ​യി പ്ര​ച​ര​ണ​ത്തി​നി​റ​ങ്ങും. സം​സ്ഥാ​ന നേ​തൃ​ത്വ​വു​മാ​യി അ​ദ്ദേ​ഹം പ്രാ​ഥ​മി​ക ച​ർ​ച്ച​ക​ൾ ന​ട​ത്തി.

കാലങ്ങൾക്ക് ശേഷം എൽഡിഎഫ് പാളയത്തിലെത്താൻ കഴിഞ്ഞതിൽ സന്തോഷമുണ്ടെന്ന് യെച്ചൂരിക്കൊപ്പം നടത്തിയ സംയുക്തവാർത്താ സമ്മേളനത്തിൽ പി സി ചാക്കോ പറ‌ഞ്ഞു.

ചാക്കോയുടെ പഴയ പാർട്ടി എൻസിപി ദേശീയനേതാവായി മടങ്ങാമെന്ന് പറഞ്ഞ് സ്വാഗതം ചെയ്തതോടെയാണ് അദ്ദേഹം പഴയ പാളയത്തിലേക്ക് തിരികെപ്പോകാൻ തീരുമാനിച്ചത്. ഡെൽഹിയിലെ എകെജി ഭവനിലെത്തി, ചാക്കോ യെച്ചൂരിയുമായി കൂടിക്കാഴ്ച നടത്തിയിരുന്നു. ഇതിന് ശേഷം ഇരുവരും ചേർന്ന് സംയുക്ത വാർത്താസമ്മേളനം വിളിക്കുകയും ചെയ്തു.