ന്യൂഡെൽഹി: നടി രാകുൽപ്രീത് സിങ്ങിന് കൊറോണ സ്ഥിരീകരിച്ചു. ട്വിറ്ററിലൂടെ താരം തന്നെയാണ് രോഗം ബാധിച്ച വിവരം അറിയിച്ചത്. ഏറ്റവും പുതിയ ചിത്രമായ ‘മേയ്ഡേ’യുടെ ഷൂട്ടിങ്ങിനിടെയാണ് താരത്തിന് രോഗം ബാധിച്ചത്.
രോഗം സ്ഥിരീകരിച്ച വിവരം ഏവരെയും അറിയിക്കുന്നു. ഞാൻ ക്വാറൻറീനിൽ പ്രവേശിച്ചിരിക്കുകയാണ്. ഇപ്പോൾ സുഖമായിരിക്കുന്നു. നന്നായി വിശ്രമിച്ച് വീണ്ടും ഷൂട്ടിങ്ങിനെത്താനാണ് ശ്രമിക്കുന്നത്. ഞാനുമായി ബന്ധപ്പെട്ടവർ ദയവ് ചെയ്ത് പരിശോധന നടത്തുക. നന്ദി… സുരക്ഷിതരായിരിക്കൂ’ -നടി ട്വിറ്ററിൽ കുറിച്ചു.
നടൻ അജയ് ദേവ്ഗൻ നിർമാതാവും സംവിധായകനുമാകുന്ന ത്രില്ലർ ചിത്രമായ മേയ്ഡേയിൽ പൈലറ്റിൻറെ റോളിലാണ് രാകുൽ എത്തുക. ഇതിഹാസതാരം അമിതാഭ് ബച്ചനും ചിത്രത്തിൽ വേഷമിടുന്നുണ്ട്. കഴിഞ്ഞ മാസം മാലദ്വീപിൽ കുടുംബത്തോടൊപ്പം അവധി ആഘോഷിച്ച താരം പിന്നാലെ മേയ്ഡേയുടെ ലൊക്കേഷനിൽ എത്തുകയായിരുന്നു.
