കാസര്‍കോട്: കാസര്‍കോട് കൊറോണ വൈറസ് സ്ഥിരീകരിച്ച എസ് എസ് എല്‍ സി വിദ്യാര്‍ത്ഥിനിക്കു പിന്നാലെ കുടുംബത്തിലെ ആറു പേര്‍ക്കും രോഗം സ്ഥിരീകരിച്ചു. മാര്‍ച്ച്‌ 17 ന് ദുബായില്‍ നിന്നെത്തിയ പിതാവിനാണ് ആദ്യം കൊറോണ സ്ഥിരീകരിച്ചത്. ഇതിനു പിന്നാലെ എസ് എസ് എല്‍ സി വിദ്യാര്‍ത്ഥിനിയായ 16 കാരിക്കും കൊറോണ സ്ഥിരീകരിക്കുകയായിരുന്നു. രോഗം സ്ഥിരീകരിച്ചത് കുട്ടിയുടെ മാതാവിനും പിതൃമാതാവിനും സഹോദരനും സഹോദരിക്കും ആണ്. ഇതോടെ കുടുംബത്തിലെ തന്നെ ആറു പേര്‍ക്കാണ് രോഗം സ്ഥിരീകരിച്ചിരിക്കുന്നത്. കുട്ടിയുടെ 40 വയസുള്ള മാതാവിനും 80 വയസുള്ള പിതൃമാതാവിനും 19 വയസുള്ള സഹോദരനും 13 വയസുള്ള സഹോദരിക്കും കൊറോണ സ്ഥിരീകരിച്ചിരിക്കുന്നത്. ഇനി ഇളയ സഹോദരി ആറുവയസുകാരിയുടെ പരിശോധനാഫലം പുറത്തുവരാനുണ്ട്. രോഗം സ്ഥിരീകരിച്ച എസ് എസ് എല്‍ സി വിദ്യാര്‍ത്ഥിനി പരീക്ഷ എഴുതിയിരുന്നു. ഒപ്പം പരീക്ഷ എഴുതിയിരുന്ന വിദ്യാര്‍ത്ഥികളും ഡ്യൂട്ടിയിലുണ്ടായിരുന്ന അധ്യാപകരുമൊക്കെ ഇപ്പോള്‍ നിരീക്ഷണത്തിലാണ്.
