കൊച്ചി: എറണാകുളത്ത് സിഗ്നല്‍ തകരാറിലായതിനെ തുടര്‍ന്ന് സംസ്ഥാനത്ത് ട്രെയിന്‍ ഗതാഗതം അവതാളത്തിലായി. മിക്ക ട്രെയിനുകളും വൈകിയാണ് ഓടുന്നത്. ചിലത് മണിക്കൂറുകളോളം പിടിച്ചിട്ടു.
രാവിലെ 9.45-ന് എറണാകുളം നോര്‍ത്ത് സ്‌റ്റേഷന്‍ വിടേണ്ട തിരുവനന്തപുരം ജനശതാബ്ദി മണിക്കൂറുകളോളം പിടിച്ചിട്ടു. ആലപ്പുഴ എക്‌സിക്യൂട്ടീവ് എക്‌സ്പ്രസ് ഇടപ്പള്ളിയിലും നിര്‍ത്തിയിട്ടു.
സിഗ്നല്‍ തകരാറിലായതിനെത്തുടര്‍ന്ന് ഏതാനും ട്രെയിനുകളുടെ സര്‍വ്വീസ് പുനക്രമീകരിച്ചതായി റെയില്‍വേ അറിയിച്ചു. കൊല്ലം- എറണാകുളം മെമു തൃപ്പൂണിത്തുറയില്‍ യാത്ര അവസാനിപ്പിക്കും. മംഗള നോര്‍ത്തില്‍ സര്‍വ്വീസ് നിര്‍ത്തും.
