തിരുവനന്തപുരം: മാധ്യമ പ്രവർത്തകൻ കെ.എം ബഷീറിനെ കാറിടിച്ച് കൊലപ്പെടുത്തിയ കേസിലെ ഒന്നാം പ്രതിയായ
ശ്രീറാം വെങ്കിട്ടരാമനെ
ആലപ്പുഴ ജില്ല കളക്ടറായി നിയമിച്ചത് പുന:പരിശോധിക്കണമെന്ന് കേരള പത്രപ്രവർത്തക യൂണിയൻ. അതേസമയം സർ​ക്കാ​ർ ന​ട​പ​ടി​യി​ൽ പ്ര​തി​ഷേ​ധി​ച്ച് തി​ങ്ക​ളാ​ഴ്ച ആ​ല​പ്പു​ഴ ഡി​സി​സി​യു​ടെ നേ​തൃ​ത്വ​ത്തി​ൽ ള​ക്ട്രേ​റ്റി​ന് മു​ന്നി​ൽ ധ​ർ​ണ്ണ സം​ഘ​ടി​പ്പി​ക്കുന്നുണ്ട്. ബഷീറിനെ കാറിടിച്ച് കൊലപ്പെടുത്തിയ കേസിൽ ഒന്നാം പ്രതിയായി സർക്കാർ തന്നെ കുറ്റപത്രം നൽകിയ വ്യക്തിയാണ് ശ്രീരാം വെങ്കിട്ടരാമനെന്ന് പത്രപ്രവർത്തക യൂണിയൻ പറഞ്ഞു.

അദ്ദേഹത്തിന്റെ സസ്പെൻഷൻ പിൻവലിച്ച അവസരത്തിലും ആരോഗ്യ വകുപ്പ് ജോയിന്റ് ഡയറക്ടറായി നിയമിച്ച അവസരത്തിലും യൂണിയൻ ശക്തമായ പ്രതിഷേധം അറിയിച്ചിരുന്നു . ഇപ്പോൾ ജനങ്ങളുമായും മാധ്യമ പ്രവർത്തകരുമായും കൂടുതൽ ഇടപെടേണ്ട കളക്ടറായാണ് നിയമിച്ചിരിക്കുന്നത്. കെ എം ബഷീറിന്റെ ദാരുണമായ മരണം മാധ്യമ പ്രവർത്തകരെ സംബന്ധിച്ചിടത്തോളം ഏറ്റവും വൈകാരികവും ഇന്നും ഏറെ വേദനയോടെ മാത്രം ഓർക്കുന്ന സംഭവവുമാണ്.

അത്തരം ഒരു കേസിൽ കോടതി വിധി വരുന്നതിന് മുമ്പ് തന്നെ കേസിലെ ഒന്നാം പ്രതിയെ . കളക്ടർ എന്ന ഉന്നത പദവിയിൽ നിയമിച്ചത് തികച്ചും അനുചിതമാണ്. മാധ്യമ പ്രവർത്തകരുടെയും ജനങ്ങളുടെയും വികാരം കണക്കിലെടുത്ത് ശ്രീറാം വെങ്കിട്ടരാമന്റെ നിയമനം പുന:പരിശോധിക്കണമെന്ന് കേരള പത്രപ്രവർത്തക യൂണിയൻ (KUWJ) സംസ്ഥാന പ്രസിഡണ്ട് കെ.പി റെജിയും ജനറൽ സെക്രട്ടറി ഇ.എസ്. സുഭാഷും പ്രസ്താവനയിൽ ആവശ്യപ്പെട്ടു.

അതിനിടെ
ശ്രീ​റാം വെ​ങ്കി​ട്ട​രാ​മ​നെ ആ​ല​പ്പു​ഴ ജി​ല്ലാ ക​ള​ക്ട​റാ​യി നി​യ​മി​ച്ച​തി​നെ​തി​രെ കോ​ൺ​ഗ്ര​സ് പ്ര​ത്യ​ക്ഷ സ​മ​ര​ത്തി​ലേ​ക്ക്. ശ്രീ​റാ​മി​നെ ക​ള​ക്ട​റാ​യി നി​യ​മി​ച്ച സം​സ്ഥാ​ന സ​ർ​ക്കാ​ർ ന​ട​പ​ടി​യി​ൽ പ്ര​തി​ഷേ​ധി​ച്ച് തി​ങ്ക​ളാ​ഴ്ച ആ​ല​പ്പു​ഴ ഡി​സി​സി​യു​ടെ നേ​തൃ​ത്വ​ത്തി​ൽ രാ​വി​ലെ പ​ത്തി​ന് ക​ള​ക്ട്രേ​റ്റി​ന് മു​ന്നി​ൽ ധ​ർ​ണ്ണ സം​ഘ​ടി​പ്പി​ക്കും.

ശ്രീ​റാ​മി​ന്‍റെ നി​യ​മ​ന​ത്തി​നെ​തി​രെ എ​ഐ​സി​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ, നേ​താക്കളായ ര​മേ​ശ് ചെ​ന്നി​ത്ത​ല, എഎ ഷുക്കൂർ, ജോൺസൺ എബ്രഹാം മു​സ്ലിം​ലീ​ഗ് നേ​താ​വ് എ.​എം. ന​സീ​ർ എ​ന്നി​വ​ർ രം​ഗ​ത്തെ​ത്തി​യി​രു​ന്നു. ഇ​തി​നു പി​ന്നാ​ലെ​യാ​ണ് കോ​ൺ​ഗ്ര​സ് പ്ര​ത്യ​ക്ഷ സ​മ​ര​ത്തി​ലേ​ക്ക് നീ​ങ്ങു​ന്ന​ത്.