പേ​രൂ​ർ​ക്ക​ട അ​മ്പ​ല​മു​ക്കി​ലെ ന​ഴ്സ​റി ഫാ​മി​ൽ ജോലിക്കാരി നെ​ടു​മ​ങ്ങാ​ട് ക​രി​പ്പൂ​ർ സ്വ​ദേ​ശി​നി വി​നീ​ത (38) കു​ത്തേ​റ്റ് മ​രി​ച്ച സം​ഭ​വ​ത്തി​ൽ പ്ര​തി​യെ​ന്നു സം​ശ​യി​ക്കു​ന്ന ആ​ളു​ടെ കൂ​ടു​ത​ൽ സി​സി​ടി​വി ദൃ​ശ്യ​ങ്ങ​ൾ പോ​ലീ​സി​നു ല​ഭി​ച്ചു. യു​വാ​വ് ഊ​ള​മ്പാ​റ ഭാ​ഗ​ത്തു​നി​ന്ന് പേ​രൂ​ർ​ക്ക​ട​യി​ൽ എ​ത്തി അ​വി​ടെ​നി​ന്ന് അ​മ്പ​ല​മു​ക്ക് ഭാ​ഗ​ത്തേ​ക്ക് വ​രി​ക​യാ​യി​രു​ന്നു​വെ​ന്നാ​ണ് സൂ​ച​ന.

ഇ​ത്ര​യും ദൂ​രം ഇ​യാ​ൾ കാ​ൽ​ന​ട​യാ​യി എ​ത്തി​യെ​ന്നാ​ണ് പോ​ലീ​സ് പ​റ​യു​ന്ന​ത്. ഫു​ൾ​സ്ലീ​വ് ഷ​ർ​ട്ട് ധ​രി​ച്ചി​ട്ടു​ള്ള ഇ​യാ​ൾ ഒ​രു കൈ ​പ​ല​പ്പോ​ഴും മ​റ​ച്ചു​പി​ടി​ക്കാ​ൻ ശ്ര​മി​ക്കു​ന്ന​ത് ദൃ​ശ്യ​ങ്ങ​ളി​ൽ വ്യ​ക്ത​മാ​ണ്. ഇ​യാ​ളു​ടെ കൈ​യി​ലേ​റ്റ മു​റി​വാ​ണ് മ​റ​ച്ചു​പി​ടി​ക്കാ​ൻ ശ്ര​മി​ക്കു​ന്ന​തെ​ന്ന് പോ​ലീ​സി​ന് ബോ​ധ്യ​മാ​യി​ട്ടു​ണ്ട്.സം​ഭ​വം ന‌​ട​ന്ന ഞാ​യ​റാ​ഴ്ച രാ​വി​ലെ 11 ഓ​ടെ ന​ഴ്സ​റി​യി​ലെ​ത്തി​യ ഇ​യാ​ൾ 20 മി​നി​റ്റി​നു​ള്ളി​ൽ തി​രി​കെ പോ​കു​ന്ന​തു ദൃ​ശ്യ​ങ്ങ​ളി​ൽ ഉ​ണ്ട്. സാ​ന്ത്വ​ന ആ​ശു​പ​ത്രി ജം​ഗ്ഷ​നി​ൽ നി​ന്ന് ഓ​ട്ടോ​റി​ക്ഷ​പി​ടി​ച്ചു പോ​കു​ന്ന ദൃ​ശ്യ​ങ്ങ​ൾ ആ​ശു​പ​ത്രി​യി​ലെ ക്യാ​മ​റ​ക​ളി​ൽ പ​തി​ഞ്ഞി​ട്ടു​ണ്ട്.

മു​ട്ട​ട ജം​ഗ്ഷ​നി​ൽ ഇ​റ​ങ്ങി​യ യു​വാ​വ് പി​ന്നീ​ട് ഇ​ട​റോ​ഡി​ലൂ​ടെ​യാ​ണ് സ​ഞ്ച​രി​ച്ച​ത് എ​ന്നാ​ണ് പോ​ലീ​സ് അ​നു​മാ​നി​ക്കു​ന്ന​ത്.വ്യ​ക്ത​മ​ല്ലാ​ത്ത മ​ല​യാ​ളം ഇ​യാ​ൾ സം​സാ​രി​ച്ചി​രു​ന്ന​താ​യി ഓ​ട്ടോ ഡ്രൈ​വ​റു​ടെ മൊ​ഴി​യി​ലു​ണ്ട്. പി​ന്നീ​ട് ഇ​യാ​ളു​ടെ ദൃ​ശ്യ​ങ്ങ​ൾ ല​ഭി​ച്ചി​ട്ടി​ല്ലെ​ങ്കി​ലും കേ​ശ​വ​ദാ​സ​പു​ര​ത്ത് സി​സി​ടി​വി പ​രി​ശോ​ധി​ച്ച​തി​ൽ​നി​ന്ന് കൂ​ടു​ത​ൽ ചി​ത്ര​ങ്ങ​ൾ വ്യ​ക്ത​മാ​യി.കൊലപാതകത്തിന് ശേഷം പ്രതി ഡ്രെസ്സ് മാറി പരുത്തിപ്പാറക്കും വയലിക്കടക്കും ഇടക്കുള്ള സ്ഥലത്തു നിന്നും ഞായറാഴ്ച ഉച്ചക്ക് 12ന് ശേഷം ഒരു ആക്ടിവ സ്കൂട്ടറിൽ ലിഫ്റ്റ് ചോദിച്ചു പോകുന്നുണ്ട്.

ഫു​ൾ​സ്ലീ​വ് ഷ​ർ​ട്ടി​നു പ​ക​രം ദൃ​ശ്യ​ങ്ങ​ളി​ൽ ഉ​ള്ള​ത് ബ​നി​യ​നാ​ണ്. തി​രി​കെ പോ​കു​ന്ന സ​മ​യ​ത്ത് തൂ​വാ​ല കൊ​ണ്ട് മു​ഖം മ​റ​ച്ചി​രു​ന്നി​ല്ല.ഊ​ള​മ്പാ​റ ഭാ​ഗ​ത്തു​നി​ന്ന് അ​മ്പ​ല​മു​ക്ക് വ​രെ കാ​ൽ​ന​ട​യാ​യി സ​ഞ്ച​രി​ച്ച ശേ​ഷം ഓ​ട്ടോ​യി​ൽ ക​യ​റി മു​ട്ട​ട​യി​ൽ ഇ​റ​ങ്ങി കേ​ശ​വ​ദാ​സ​പു​ര​ത്ത് വീ​ണ്ടും ന​ട​ന്നെ​ത്തി ബൈ​ക്കി​ൽ ക​യ​റി പോ​യ​ത് എ​ന്തി​നാ​ണെ​ന്നു​ള്ള കാ​ര്യ​ത്തി​ൽ അ​വ്യ​ക്ത​ത നി​ല​നി​ൽ​ക്കു​ന്നു​ണ്ട്.ത​ന്‍റെ ഓ​ട്ടോ​യി​ൽ സ​ഞ്ച​രി​ച്ചി​രു​ന്ന ഇ​യാ​ളു​ടെ പെ​രു​മാ​റ്റ​ത്തി​ൽ അ​സ്വാ​ഭാ​വി​ക​ത ഉ​ണ്ടാ​യി​രു​ന്ന​താ​യി ഓ​ട്ടോ ഡ്രൈ​വ​റും പ​റ​യു​ന്നു​ണ്ട്. പ്ര​തി അ​വ​സാ​ന​മെ​ത്തി​യ സ്ഥ​ലം ക​ണ്ടെ​ത്തി ഇ​വി​ടെ​യു​ള്ള കാ​മ​റാ ദൃ​ശ്യ​ങ്ങ​ൾ പ​രി​ശോ​ധി​ച്ച് കൂ​ടു​ത​ൽ വ്യ​ക്ത​ത വ​രു​ത്താ​നു​ള്ള ശ്ര​മ​ത്തി​ലാ​ണ് പോ​ലീ​സ്.അ​തേ​സ​മ​യം കേ​ശ​വ​ദാ​സ​പു​ര​ത്ത് നി​ന്ന് ഇ​യാ​ൾ ക​യ​റി​പ്പോ​കു​ന്ന സ്കൂ​ട്ട​ർ ഓ​ടി​ച്ചി​രു​ന്ന ആ​ളെ​ക്കു​റി​ച്ചും പോ​ലീ​സ് അ​ന്വേ​ഷി​ക്കു​ന്നു​ണ്ട്.

പ്ര​തി​യെ​ന്ന് സം​ശ​യി​ക്കു​ന്ന യു​വാ​വി​ന്‍റെ രേ​ഖാ​ചി​ത്രം പോ​ലീ​സ് ചൊ​വ്വാ​ഴ്ച പു​റ​ത്തു​വി​ട്ടി​രു​ന്നു. എ​ന്നാ​ൽ ഇ​തു​വ​ഴി സൂ​ച​ന​ക​ളൊ​ന്നും ല​ഭി​ച്ചി​ട്ടി​ല്ല.ക​ഴി​ഞ്ഞ ഞാ​യ​റാ​ഴ്ച ഉ​ച്ച​യോ​ടെ​യാ​ണ് വി​നീ​ത​യെ ജോ​ലി​ചെ​യ്തി​രു​ന്ന അ​മ്പ​ല​മു​ക്കി​ലെ ന​ഴ്സ​റി ഫാ​മി​ൽ കു​ത്തേ​റ്റ് മ​രി​ച്ച നി​ല​യി​ൽ ക​ണ്ടെ​ത്തു​ന്ന​ത്. ക​ഴു​ത്തി​ൽ ആ​ഴ​ത്തി​ലേ​റ്റ കു​ത്താ​ണ് മ​ര​ണ​കാ​ര​ണം. യു​വ​തി​യെ രാ​വി​ലെ 11 വ​രെ ന​ഴ്സ​റി​യു​ടെ പ​രി​സ​ര​ത്ത് ക​ണ്ട​വ​രു​ണ്ട്. പി​ന്നീ​ട് ഉ​ച്ച​യോ​ടെ​യാ​ണ് കൊ​ല​പാ​ത​ക വി​വ​രം പു​റം​ലോ​കം അ​റി​യു​ന്ന​ത്.ന​ഴ്സ​റി​യി​ൽ ഉ​ച്ച​യ്ക്ക് ചെ​ടി വാ​ങ്ങാ​ൻ എ​ത്തി​യ​വ​ർ ആ​രെ​യും കാ​ണാ​തെ വ​ന്ന​തോ​ടെ ബോ​ർ​ഡി​ൽ ക​ണ്ട ഉ​ട​മ​യു​ടെ ഫോ​ൺ ന​മ്പ​റി​ൽ വി​ളി​ക്കു​ക​യാ​യി​രു​ന്നു. ഉ​ട​മ മ​റ്റൊ​രു ജീ​വ​ന​ക്കാ​രി​യെ ന​ഴ്സ​റി​യി​ലേ​ക്ക് അ​യ​ച്ചു.

ഇ​വ​ർ എ​ത്തി പ​രി​ശോ​ധി​ച്ച​പ്പോ​ഴാ​ണ് മൃ​ത​ദേ​ഹം ക​ണ്ടെ​ത്തി​യ​ത്.ന​ഴ്സ​റി​ക്കു​ള്ളി​ൽ ചെ​ടി​ച്ച​ട്ടി​ക​ൾ ഇ​രി​ക്കു​ന്ന​തി​നു സ​മീ​പ​ത്ത് ടാ​ർ​പോ​ളി​ൻ കൊ​ണ്ട് ഭാ​ഗി​ക​മാ​യി മൂ​ടി​യ നി​ല​യി​ലാ​യി​രു​ന്നു മൃ​ത​ദേ​ഹം. വി​നീ​ത ധ​രി​ച്ചി​രു​ന്ന നാ​ല് പ​വ​നോ​ളം വ​രു​ന്ന സ്വ​ർ​ണാ​ഭ​ര​ണം കാ​ണാ​നി​ല്ലെ​ന്ന് ബ​ന്ധു​ക്ക​ൾ പോ​ലീ​സി​നെ അ​റി​യി​ച്ചി​ട്ടു​ണ്ട്. സ്വ​ർ​ണം ക​വ​ർ​ച്ച ചെ​യ്യാ​നു​ള്ള ശ്ര​മ​ത്തി​നി​ടെ​യാ​ണ് കൊ​ല​പാ​ത​കം ന​ട​ന്നി​രി​ക്കു​ന്ന​തെ​ന്ന നി​ഗ​മ​ന​ത്തി​ലാ​ണ് പോ​ലീ​സ്.