ബാലി: ഇന്തോനേഷ്യൻ ബാഡ്മിന്‍റൺ മാസ്റ്റേഴ്സിൽ ഇന്ത്യൻ താരങ്ങളായ എച്ച്.എസ്.പ്രണോയിയും കിഡംബി ശ്രീകാന്തും പ്രീ ക്വാര്‍ട്ടറില്‍ കടന്നു.
മലേഷ്യയുടെ ലിയു ഡാരനെ നേരിട്ടുള്ള സെറ്റുകൾക്ക് പ്രണോയ് തോൽപ്പിച്ചു. സ്‌കോർ: 22-20, 21-19. പ്രീ ക്വാര്‍ട്ടറില്‍ ലോക രണ്ടാം നമ്പര്‍ താരം വിക്ടര്‍ അക്‌സെല്‍സെന്നാണ് പ്രണോയിയുടെ എതിരാളി.
ഫ്രാന്‍സിന്‍റെ ക്രിസ്റ്റോ പോപോവിനെയാണ് ശ്രീകാന്ത് പരാജയപ്പെടുത്തിയത്. സ്‌കോർ: 21-18, 20-22, 21-17. പ്രീ ക്വാര്‍ട്ടറില്‍ ലോക ആറാം നമ്പര്‍ താരം ജൊനാതന്‍ ക്രിസ്റ്റിയാണ് ശ്രീകാന്തിന്‍റെ എതിരാളി.
മിക്‌സഡ് ഡബിള്‍സ് വിഭാഗത്തില്‍ ഇന്ത്യയുടെ ധ്രുവ് കപില-എന്‍ റെഡ്ഡി സിക്കി സഖ്യം പ്രീ ക്വാര്‍ട്ടറില്‍ എത്തിയിട്ടുണ്ട്.
