ഇടുക്കി: മുല്ലപ്പെരിയാര്‍ അണക്കെട്ടിന്‍റെ ഭാഗമായ ബേബി ഡാമില്‍ കേരളവും തമിഴ്‌നാടും സംയുക്തമായി പരിശോധന നടത്തിയതായി തെളിവ്. മുല്ലപ്പെരിയാര്‍ മേല്‍നോട്ട സമിതിയുടെ തീരുമാനപ്രകാരമാണ് പരിശോധന നടന്നത്.
ജൂണ്‍ 11ന് കേരള-തമിഴ്‌നാട് വനം വകുപ്പ് ഉദ്യോഗസ്ഥര് ബേബി ഡാം പരിസരത്ത് സംയുക്ത പരിശോധന നടത്തി. 15 മരങ്ങള്‍ മുറിച്ച് നീക്കണമെന്ന് പരിശോധനയില്‍ കണ്ടെത്തി. തുടർ നടപടിക്കായി മരം മുറിക്കനുള്ള അനുമതി തേടി ഓൺലൈനിൽ അപേക്ഷയും നൽകി.
മേൽനോട്ട സമിതി അധ്യക്ഷൻ ഗുൽഷൻ രാജാണ് കേരളത്തിന് കത്തയച്ചത്. ജലവിഭവ സെക്രട്ടറി ടി.കെ ജോസിന് സെപ്തംബർ മൂന്നിനാണ് കത്ത് നൽകിയിരുന്നത്. ഇതിന്‍റെ അടിസ്ഥാനത്തിലാണ് സർക്കാർ തുടർ നടപടി സ്വീകരിച്ചത്.
