ന്യൂയോര്‍ക്: മൂന്നുവര്‍ഷത്തെ ബന്ധത്തിനുശേഷം സ്പേസ്-എക്സ്, ടെസ്ല സ്ഥാപനും ശതകോടീശ്വരനുമായ ഇലോണ്‍ മസ്കും ഗ്രാമി പുരസ്കാര ജേതാവ് ഗ്രിംസും തമ്മില്‍ വേര്‍പിരിഞ്ഞു. മസ്ക് തന്നെയാണ് ഇക്കാര്യം അറിയിച്ചത്.
കനേഡിയന്‍ ഗായികയാണ് ഗ്രിംസ്. ഇരുവര്‍ക്കും ഒരു വയസുള്ള മകനുണ്ട്. 2018ലാണ് 50കാരനായ മസ്കും 33 കാരിയായ ഗ്രിംസും പ്രണയത്തിലായത്. കനേഡിയന്‍ എഴുത്തുകാരി ജസ്റ്റിന്‍ വില്‍സണുമായി വിവാഹമോചനം നേടിയിരുന്നു മസ്ക്. വെസ്റ്റ് വേള്‍ഡ് താരം തുലാല റിലെയെ രണ്ടുതവണ വിവാഹം ചെയ്തിട്ടുണ്ട്. ഈ ബന്ധവും പിരിഞ്ഞു.
