കുവൈറ്റ് : ഹൃദയാഘാതംമൂലം രണ്ട് മലയാളികൾ കുവൈറ്റിൽ മരിച്ചു. കോട്ടയം പാല പത്തായിൽ വീട്ടിൽ മാത്യൂ പി.ചാക്കോ (58 ) കോഴിക്കോട് ചേവായൂർ സ്വദേശി സത്യൻ എടോളി (49 ) എന്നിവരാണ് മരിച്ചത്.
കുവൈറ്റിൽ അബ്ബാസിയയിലെ താമസ സ്ഥലത്താണ് മാത്യൂ പി.ചാക്കോ മരിച്ചത്. ഭാര്യ: ലില്ലിയാമ്മ. മക്കള്‍: മോസസ്, ഇമ്മാനുവല്‍, ആന്‍മരിയ. സംസ്കാരം പിന്നീട് നാട്ടിൽ.
കുവൈറ്റിൽ സാൽമിയയിലെ താമസസ്ഥലത്താണ് സത്യൻ എടോളി മരിച്ചത്. കുവൈറ്റിൽ ബിൽഡിംഗ് സെക്യൂരിറ്റി ജീവനക്കാരനായിരുന്നു. കുടുംബം നാട്ടിലാണ്. ഭാര്യ സ്‌മിജ , രണ്ടു പെൺമക്കൾ. മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ പുരോഗമിക്കുന്നു.
