കോഴിക്കോട്: റിട്ടയേഡ് എയർപോർട്ട് ഉദ്യോഗസ്ഥനും മകളും വീട്ടിൽ മരിച്ച നിലയിൽ. കാലിക്കറ്റ് എയർപോർട്ടിൽ ഡെപ്യൂട്ടി മാനേജർ (സിഎൻഎസ്) ആയിരുന്ന രാമനാട്ടുകര വൈദ്യരങ്ങാടി പുല്ലുംകുന്ന് റോഡിൽ പട്ടായിപ്പാടം എ വി പീതാംബരൻ (61) , മകൾ ശാരിക (31) എന്നിവരെയാണ് വീട്ടിൽ തൂങ്ങിമരിച്ച നിലയിൽ കണ്ടെത്തിയത്.
ഞായറാഴ്‌ച പകൽ മൂന്നോടെയാണ് സംഭവം. ഫറോക്ക് പൊലീസെത്തി അന്വേഷണമാരംഭിച്ചു. കാരണം അറിവായിട്ടില്ല. മൃതദേഹങ്ങൾ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.
