കൊച്ചി: രാജ്യത്തെ ഇന്ധനവിലയില്‍ കുതിപ്പ് തുടരുന്നു. ഇന്ന് പെട്രോളിന് 27 പൈസയും ഡീസലിന് 30 പൈസയും വര്‍ദ്ധിച്ചു. ഇതോടെ കൊച്ചിയില്‍ പെട്രോള്‍ വില 95 രൂപ 14 പൈസയും ഡീസല്‍ വില 90 രൂപ 55 പൈസയുമായി. തിരുവനന്തപുരത്ത് പെട്രോള്‍ വില 96 രൂപ 74 പൈസയിലേക്കെത്തി. ഡീസല്‍ വില 92 രൂപ 04 പൈസയായി.
ഈ രീതിയില്‍ വര്‍ദ്ധന തുടര്‍ന്നാല്‍ സംസ്ഥാനത്തും പെട്രോള്‍ വില ഉടന്‍ സെഞ്ച്വറിയടിക്കും. കേരളമടക്കമുള്ള സംസ്ഥാനങ്ങളിലെ നിയമസഭാ തിരഞ്ഞെടുപ്പ് കഴിഞ്ഞതിനു പിന്നാലെയാണ് രാജ്യത്തെ ഇന്ധനവില വീണ്ടും ഉയര്‍ന്നു തുടങ്ങിയത്.
ഇന്ധനവിലയിലെ തീവെട്ടിക്കൊള്ളക്കെതിരെ പ്രതിഷേധം ശക്തമാകുമ്പോഴും കേന്ദ്ര സംസ്ഥാന സര്‍ക്കാരുകൾ മൗനം തുടരുകയാണ്.
