അഹമ്മദാബാദ്: കഠിനമായ വയറു വേദനയെത്തുടർന്ന് പഞ്ചാബ് കിംഗ്സ് ക്യാപ്റ്റൻ കെ.എൽ.രാഹുലിനെ ആശുപത്രിയിൽ പ്രവേശിപ്പിച്ചു. അക്യൂട്ട് അപ്പെൻഡിസൈറ്റിസ് സ്ഥിരീകരിച്ച താരത്തെ ശസ്ത്രക്രിയയ്ക്ക് വിധേയനാക്കുമെന്ന് പഞ്ചാബ് കിംഗ്സ് അറിയിച്ചു. ശസ്ത്രക്രിയക്ക് വിധേയനാകുന്ന താരത്തിനു കുറച്ച്‌ മത്സരങ്ങൾ നഷ്ടമാകും.
ഞായറാഴ്ച നടക്കുന്ന രണ്ടാം മത്സരത്തിൽ ഡൽഹി കാപിറ്റൽസിനെ നേരിടാനിരിക്കെയാണ് പഞ്ചാബിന് തിരിച്ചടിയേറ്റത്. രാഹുലിൻറെ അസാന്നിധ്യത്തിൽ മായങ്ക് അഗർവാൾ ടീമിനെ നയിക്കുമെന്നാണ് റിപ്പോർട്ട്.
ഏഴു മത്സരങ്ങളിൽ 331 റൺസുമായി ഓറഞ്ച് ക്യാപ്പ് പോരാട്ടക്കാരിൽ മുന്നിലാണ് രാഹുൽ. ടൂർണമെൻറിൽ തകർപ്പൻ ഫോമിൽ നിൽക്കെയാണ് രാഹുലിന് പിൻവാങ്ങേണ്ടി വരുന്നത്. പ്ലേ യോഫ് സ്വപ്നം കാണുന്ന പഞ്ചാബിനു ഇത് വൻ തിരിച്ചടിയാണ്.
