ലണ്ടന്‍: ബ്രീട്ടീഷ് രാജകുടുംബാംഗമായ ഹാരി രാജകുമാരനെയും മേഗന്‍ മാര്‍ക്കലിനെയും സാമ്പത്തികമായി സഹായിക്കാന്‍ ആരംഭിച്ച ക്രൗണ്ട് ഫണ്ടിംഗ് നിര്‍ത്തിവച്ചു. ഗോ ഫണ്ട് മി ഫോറത്തില്‍ ആരംഭിച്ച പേജിലൂടെയായിരുന്നു ധനശേഖരസമാഹരണം നടത്തിയത്. എന്നാല്‍ ഉദ്ദേശിച്ച പണം കണ്ടെത്താന്‍ സാധിക്കാതായതോടെ പേജ് നീക്കം ചെയ്തു. ദമ്പതികളോട് സഹതാപം തോന്നിയതിനാലാണ് ധനസമാഹരണ ശ്രമം ആരംഭിച്ചതെന്ന് ഹാന്‍സണ്‍ പറഞ്ഞു.
ഇവരുടെ വീട് നിലനിര്‍ത്തുന്നതിന് വേണ്ടി അനസ്താസ്യ ഹാന്‍സണ്‍ എന്ന യുവതിയാണ്14.6 മില്യണ്‍ ഡോളര്‍ സമാഹരിക്കുന്നതിനായി ക്യാമ്പയിന്‍ ആരംഭിച്ചത്. എന്നാല്‍ 110 യുഎസ് ഡോളര്‍ മാത്രമേ ലഭിച്ചുള്ളു.സാമൂഹിക മാധ്യമങ്ങളില്‍ ഇരുപത് ലക്ഷത്തോളം വരുന്ന മേഗന്‍-ഹാരി ആരാധകര്‍ അഞ്ച് യുഎസ് ഡോളര്‍ വെച്ച്‌ സംഭവന ചെയ്തിരുന്നെങ്കില്‍ പത്ത് മില്യണ്‍ ഡോളര്‍ തികയ്ക്കാന്‍ സാധിക്കുമായിരുന്നു എന്ന് അനസ്താസ്യ ഹാന്‍സണ്‍ പറഞ്ഞു.
രാജകുടുംബത്തില്‍ നിന്നും വര്‍ണവിവേചനം നേരിട്ടിരുന്നുവെന്ന് ഒപ്ര വിന്‍ഫ്രയുമായി നടത്തിയ അഭിമുഖത്തില്‍ മേഗന്‍ വെളിപ്പെടുത്തിയിരുന്നു. രാജകുടുബം വിട്ടിറങ്ങിയതിന് പിന്നാലെ തനിക്കുള്ള സാമ്പത്തിക സ്രോതസുകള്‍ റദ്ദാക്കിയെന്ന് ഹാരി പറഞ്ഞു. മാനസിക സംഘര്‍ഷം വര്‍ധിച്ചതിനാലാണ് രാജകുടുംബത്തിന്‍റെ ചുമതലകള്‍ ഒഴിഞ്ഞത് എന്നാണ് മേഗന്‍ വെളിപ്പെടുത്തിയത്.