ചേര്‍ത്തല: വയലാറില്‍ ആര്‍എസ് എസ് പ്രവര്‍ത്തകന്‍ നന്ദുകൃഷ്ണയുടെ കൊലപാതകത്തിൽ അഞ്ചുപേര്‍ കൂടി പിടിയിൽ. രണ്ട് പ്രതികളെയും ഇവര്‍ക്ക് സംരക്ഷണമൊരുക്കിയ മൂന്നു പേരെയുമാണ് അറസ്റ്റ് ചെയ്തത്.
വയലാര്‍ പയത്തിക്കാട്ട് സിറാജുദ്ദീന്‍ (സിറാജ്-36), ചന്തിരൂര്‍ ഇളയപാടം ഒടിയില്‍ ഷമ്മാസ് (39) എന്നിവരെയും സിറാജിന് ഒളിത്താവളമൊരുക്കിയ താമരക്കുളം റഹിം മന്‍സിലില്‍ റിയാസ് (25), കൃഷ്ണപുരം കിഴക്കേതില്‍ മുല്ലശ്ശേരി ഷാബുദ്ദീന്‍കുഞ്ഞ് (49), തൃക്കുന്നപുഴ വടച്ചിറയില്‍ ഷിയാദ്(34) എന്നിവരെയാണ് അറസ്റ്റ് ചെയ്തത്.
25 പേരെ പ്രതികളാക്കിയ കേസിൽ 15പേരെ പിടികൂടിട്ടുണ്ട്. അതേസമയം അറസ്റ്റ് ചെയ്ത പ്രതികളെ കോടതിയില്‍ ഹാജരാക്കി ആലപ്പുഴ സബ്ജയിലിലേക്ക് മാറ്റി.
