മൂവാറ്റുപുഴ: ബൈക്കും ടെമ്പോ ട്രാവലറും തമ്മില്‍ കൂട്ടിയിടിച്ചു യുവാവ് മരിച്ചു.ആനിക്കാട് ആരിയ്ക്കപ്പിള്ളി രാജീവിന്റെ മകന്‍ ഹരികൃഷ്ണന്‍ (24)ആണ് മരിച്ചത്. ഇന്ന് രാത്രി എട്ടോടെ തൊടുപുഴ -മൂവാറ്റുപുഴ പാതയിലെ ആനിക്കാട് മാവിന്‍ച്ചുവട്ടിലായിരുന്നു അപകടം.
തൊടുപുഴ ഭാഗത്തു നിന്നും യാത്രക്കാരുമായി വന്ന ട്രാവലറും ബൈക്കും തമ്മിലാണ് കുട്ടിയിടിച്ചത്.ഉടന്‍തന്നെ നാട്ടുകാര്‍ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. മൃതദേഹം മൂവാറ്റുപുഴ താലൂക്ക് ആശുപത്രി മോര്‍ച്ചറിയില്‍.
കൊറോണ പരിശോധനയ്ക്കും,പോസ്റ്റ് മാര്‍ട്ടത്തിനുംശേഷം നാളെ ബന്ധുക്കള്‍ക്ക് വിട്ടുകൊടുക്കും. മാതാവ് :ദീപ. സഹോദരങ്ങള്‍ : രാകേന്ദു,യദുകൃഷ്ണന്‍.
