ന്യുഡെൽഹി: ഞെട്ടിക്കുന്ന വിവരങ്ങൾ പുറത്ത് . ലക്ഷക്കണക്കിന് ആളുകളുടെ വിലാസം, നഗരം, ആധാർ കാർഡ് നമ്പർ എന്നിവ പോലുള്ള വ്യക്തിഗത വിശദാംശങ്ങൾക്കൊപ്പം ടെലിഫോൺ നമ്പറുകൾ ഉൾപ്പടെ വെബിൽ വിൽപ്പനയ്‌ക്കെത്തിയെന്ന് ഇന്ത്യ ടുഡേ റിപ്പോർട്ടുകൾ. 25 ദശലക്ഷത്തിലധികം എയർടെൽ ഉപയോക്താക്കളുടെ വിവരങ്ങൾ പുറത്തുവിട്ടെന്നാണ് അവകാശപ്പെടുന്നത്. ഇന്റർനെറ്റ് സുരക്ഷാ ഗവേഷകനായ രാജശേഖർ രാജഹാരിയയാണ് വിവരങ്ങൾ വെളിപ്പെടുത്തിയത്.
രാജ്യത്തെ എല്ലാ എയർടെൽ ഉപയോക്താക്കളുടെയും വിശദാംശങ്ങൾ തങ്ങളുടെ പക്കലുണ്ടെന്നും ഡാറ്റ വിൽക്കാൻ ആഗ്രഹിക്കുന്നുവെന്നും അവർ അവകാശപ്പെട്ടു. ഹാക്കർമാർ എയർടെൽ സുരക്ഷാ സംഘങ്ങളുമായി ആശയവിനിമയം നടത്തി കമ്പനിയെ ബ്ലാക്ക് മെയിൽ ചെയ്യാൻ ഹാക്കർമാർ ശ്രമിക്കുകയുണ്ടായി. ബിറ്റ്‌കോയിനുകളിലൂടെ പണം നേടാനും ശ്രമിച്ചതായി ആരോപണമുയർന്നിട്ടുണ്ട്.
പക്ഷേ, പരാജയപ്പെട്ടുവെന്നാണ് ഇപ്പോൾ ലഭിക്കുന്ന വിവരം. വെബിൽ വിൽപ്പനയ്ക്കുള്ള ഡാറ്റ വിതരണം ചെയ്യാനായി, ഒരു വെബ്‌സൈറ്റ് സൃഷ്ടിച്ച് അവരുടെ കൈവശമുള്ള ഉപയോക്തൃ വിശദാംശങ്ങളുടെ ഒരു സാമ്പിൾ കാണിച്ചിരുന്നു. എയർടെല്ലിന്റെ സിസ്റ്റങ്ങളിൽ നിന്നോ സെർവറുകളിൽ നിന്നോ ഡാറ്റ ചോർന്നതായിരിക്കില്ലെന്നാണ് സൂചന.
പകരം, സുരക്ഷാ ആവശ്യങ്ങൾക്കായി ചില ടെലികോം ഡാറ്റയിലേക്ക് പ്രവേശനം ലഭിക്കുന്ന മറ്റ് സർക്കാർ സ്രോതസ്സുകളിൽ നിന്നാവാം ഹാക്കർമാർ ഇത് സ്വന്തമാക്കിയതെന്നാണ് സൂചന. ഒരുപക്ഷേ സർക്കാർ ഏജൻസികളിൽ നിന്ന് ഇത് ചോർന്നേക്കാമെന്നും കരുതുന്നു. ചോർന്ന 25 ലക്ഷത്തിൽ 2.5 ദശലക്ഷം സംഖ്യകൾ ജമ്മു കശ്മീർ മേഖലയിലെ വരിക്കാരുടേതാണ്.
2021 ജനുവരിയിൽ 25 ദശലക്ഷം എയർടെൽ വരിക്കാരുടെ വിവരങ്ങൾ ഒരു സാമ്പിളായി ഹാക്കർമാർ അപ്‌ലോഡ് ചെയ്യുകയും കമ്പനിയിൽ നിന്ന് പണം തട്ടിയെടുക്കാൻ ശ്രമിക്കുകയും ചെയ്തുവെന്ന് രാജഹാരിയ പറയുന്നു. ‘എല്ലാം വെബിൽ പോസ്റ്റുചെയ്തു … ഡാർക്ക് വെബിലല്ല, ഓപ്പൺ വെബ്ബിൽ തന്നെ’ അദ്ദേഹം പറഞ്ഞു. 25 ലക്ഷം എയർടെൽ വരിക്കാരുടെ സാമ്പിൾ ഡാറ്റ ജമ്മു കശ്മീരിൽ നിന്നാണ്.
ചോർന്ന ചില നമ്പറുകൾ കോളർ ഐഡന്റിഫിക്കേഷൻ അപ്ലിക്കേഷനായ ട്രൂകോളർ ഉപയോഗിച്ച് ഇത് എയർടെല്ലിന്റേതു തന്നെയാണെന്നു സ്ഥിരീകരിച്ചു. എയർടെൽ ഡാറ്റ കൈവശമുണ്ടെന്ന് ആരോപിക്കപ്പെടുന്ന ഹാക്കർ ഗ്രൂപ്പായ റെഡ് റാബിറ്റ് ടീമിന്റേതും എയർടെല്ലിന്റെ ഓൺലൈൻ സുരക്ഷാ ടീം തമ്മിലുള്ള ചാറ്റ് കാണിക്കുന്ന കോൺസെപ്റ്റ് വീഡിയോയും ഇപ്പോൾ പുറത്തായിട്ടുണ്ട്.
എയർടെൽ സബ്‌സ്ക്രൈകബർമാരുടെ ഡാറ്റ ഹോസ്റ്റുചെയ്യുന്നതായി അവകാശപ്പെടുന്ന വെബ്‌സൈറ്റ് സ്‌ക്രീൻഷോട്ട് ഹാക്കർമാർ പുറത്തുവിട്ടിട്ടുണ്ട്. ഉപയോക്തൃ ഡാറ്റ ഹോസ്റ്റുചെയ്ത വെബ്‌സൈറ്റ് ഇപ്പോൾ എടുത്തുമാറ്റിയതായി സുരക്ഷാ ഗവേഷകൻ പറഞ്ഞു. എന്തുകൊണ്ടാണ് ഹാക്കർമാർ വെബ്‌സൈറ്റ് എടുത്തുമാറ്റിയതെന്ന് വ്യക്തമല്ല. ഇക്കാര്യത്തെക്കുറിച്ച് ഇതുവരെ എയർടെൽ സ്ഥിരീകരിച്ചിട്ടില്ല.
