മസ്‍കറ്റ്: ഒമാനിലുണ്ടായ വാഹനാപകടത്തിൽ മലയാളി മരിച്ചു. പത്തനംതിട്ട റാന്നി ഒഴുവൻപാറ എടശ്ശേരിൽ തോമസ് ജോസഫ് (ജയ്മോൻ) ആണ് മരണപ്പെട്ടത്. കഴിഞ്ഞ ദിവസം വൈകിട്ട് റുസെയ്‍ലിൽവെച്ചുണ്ടായ വാഹന അപകടത്തിലായിരുന്നു മരണം സംഭവിച്ചത് .
ഗൾഫാർ കമ്പനിയിലെ ജീവനക്കാരനായിരുന്നു തോമസ് ജോസഫ്. ഭാര്യ റീന തോമസ്, മക്കൾ: ഐഡ, ഐറിൻ, ആൽബിൻ. ഖൌലാ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിലേക്ക് അയക്കാനുള്ള നടപടികൾ പുരോഗമിക്കുകയാണ്.
