വാഷിങ്ടൺ: ഇന്ത്യൻ വംശജനായ ഡെമോക്രാറ്റിക് പാർട്ടിയിലെ രാജകൃഷ്ണമൂർത്തിക്ക് ഹാട്രിക് വിജയം. തുടർച്ചയായ മൂന്നാംതവണയാണ് 47 കാരനായ രാജകൃഷ്ണമൂർത്തി ഇല്ലിനോയിസിൽ നിന്നും ജനപ്രതിനിധി സഭയിലെത്തുന്നത്. ഡെൽഹി സ്വദേശിയായ കൃഷ്ണമൂർത്തി ലിബർട്ടേറിയൻ പാർട്ടി സ്ഥാനാർഥി പ്രിസ്റ്റൻ നെൽസനെയാണ് പരാജയപ്പെടുത്തിയത്.
അവസാന റിപ്പോർട്ട് പ്രകാരം 71 ശതമാനം വോട്ടുകളാണ് ഇദ്ദേഹം നേടിയത്. രാജ കൃഷ്ണമൂർത്തിയുടെ രക്ഷിതാക്കൾ തമിഴ്നാട്ടിൽ നിന്നുള്ളവരാണ്. 2016 ലാണ് അദ്ദേഹം ആദ്യമായി ജനപ്രതിനിധി സഭയിലെത്തിയത്.