ഭോപ്പാല്‍: കോൺഗ്രസിൽ നിന്ന് ബിജെപിയിൽ ചേർന്ന തന്നെ മുൻ മുഖ്യമന്ത്രി കമൽനാഥ് നായെന്ന വിളിച്ചെന്ന ആരോപണവുമായി ജ്യോതിരാദിത്യ സിന്ധ്യ. തെരഞ്ഞെടുപ്പ് പ്രചാരണറാലിയിലായിരുന്നു സിന്ധ്യയുടെ ആരോപണം.
കമല്‍നാഥ് തന്നെ നായയെന്ന് വിളിച്ചു. അതെ താന്‍ നായയാണ്. ഇവിടത്തെ ജനങ്ങളാണ് തന്‍റെ യജമാനന്‍മാര്‍. ഉടമകളെ സംരക്ഷിക്കുകയാണ് നായയുടെ ജോലി.തന്‍റെ ഉടമകളായ ജനങ്ങളെ സംരക്ഷിക്കുമെന്നും സിന്ധ്യ പറഞ്ഞു.
അതേസമയം സിന്ധ്യയുടെ പ്രസ്താവന പുറത്ത് വന്നതിന് പിന്നാലെ ഇക്കാര്യം നിഷേധിച്ച്‌ കമല്‍നാഥും രംഗത്തെത്തി. താൻ ആരെയും ആക്ഷേപിച്ച് സംസാരിച്ചിട്ടില്ലെന്നായിരുന്നു കമൽനാഥിൻ്റെ വിശദീകരണം.
