ദുബായ്: ക്രിക്കറ്റ് സിനിമ മേഖലയിലെ താരജോഡികളാണ് വിരാട് കോഹ്‌ലിയും അനുഷ്ക ശർമ്മയും. ഇരുവരുടെയും കുടുംബത്തിലേക്ക് പുതിയ ഒരു അതിഥിയെത്തുമെന്ന് ദമ്പതികൾ നേരത്തെ സോഷ്യൽ മീഡിയയിലൂടെ ആരാധകരെ അറിയിച്ചിരുന്നു. ഇപ്പോഴിതാ, ഐപിഎൽ മത്സരത്തിനിടെ ഭാര്യ അനുഷ്ക ഭക്ഷണം കഴിച്ചോ എന്ന് ചോദിക്കുന്ന കോഹ്‌ലിയുടെ ദൃശ്യങ്ങളാണ് സോഷ്യൽ മീഡിയയിലെ ചർച്ചാവിഷയം.
കളിയുടെ സമ്മർദ്ദത്തിനിടയിൽ ഫീൽഡിൽ നിൽക്കുമ്പോഴും ഭാര്യയുടെ ആരോഗ്യകാര്യത്തിൽ വിരാടിനു ശ്രദ്ധയുണ്ട്.
യുഎഇയിൽ നടക്കുന്ന ഇന്ത്യൻ പ്രീമിയർ ലീഗിൽ (ഐപിഎൽ) നിന്നുള്ളതാണ് വീഡിയോ. ചെന്നൈ സൂപ്പർ കിംഗ്സിനെതിരെ (സി‌എസ്‌കെ) നടന്ന മത്സരത്തിൽ വിരാട് ടീമിനെയും റോയൽ ചലഞ്ചേഴ്‌സ് ബാംഗ്ലൂരിനെയും (ആർ‌സിബി) അനുഷ്ക ആഹ്ലാദിപ്പിച്ചു. ആഴത്തിലുള്ള വി-നെക്ക്ലൈൻ ഉള്ള ചുവന്ന വസ്ത്രത്തിലാണ് അനുഷ്കയെ കണ്ടത്. വലിയ സ്വർണ്ണ വളയ കമ്മലുകൾ ഉപയോഗിച്ച് ചുവപ്പുനിറത്തിലുള്ള വസ്ത്രധാരണമായിരുന്നു അവരുടേത്.
അനുഷ്കയോട് ഭക്ഷണം കഴിച്ചോ എന്ന് ആംഗ്യത്തിലൂടെ ചോദിക്കുന്ന വിരാടിനെയാണ് വീഡിയോയിൽ കാണാൻ കഴിയുക. ആംഗ്യഭാഷയിൽ തന്നെ ഭർത്താവിന് മറുപടി നൽകുകയാണ് അനുഷ്ക. ഇരുവരും തമ്മിലുള്ള ആശയവിനിമയവും മുഖഭാവങ്ങളും ആരുടെയും ഹൃദയം കവരും. “എന്തൊരു ക്യൂട്ടാണ് അനുഷ്കയും വിരാടും,”എന്നാണ് ആരാധകർ പറയുന്നത്.
