വാഷിംഗ്ടണ്‍ ഡിസി: അമേരിക്കൻ തെരഞ്ഞെടുപ്പിന് മുന്നോടിയായുള്ള വൈസ് പ്രസിഡന്‍റ് സ്ഥാനാർഥികളുടെ സംവാദത്തിൽ കൂടുതൽ കോറോണ മുൻ കരുതലുകൾ. നേരത്തെ, പ്രസിഡന്‍റ് സ്ഥാനാർഥികളായുള്ള ഡോണൾഡ് ട്രംപും ജോ ബൈഡനും തമ്മിലുള്ള സംവാദത്തിൽ ഇരുവരും മാസ്ക് ധരിക്കാതിരുന്നത് വൻ വിമർശനങ്ങൾക്ക് ഇടയാക്കിയിരുന്നു.
ഈ വിമർശനം ഉൾക്കൊണ്ടാണ് ഇത്തവണ വൈസ് പ്രസിഡന്‍റ് സ്ഥാനാർഥി സംവാദം സംഘടിപ്പിച്ചത്. കമല ഹാരിസിന്‍റെയും മൈക്ക് പെൻസിന്‍റെയും ഇരിപ്പിടങ്ങൾ തമ്മിൽ ആവശ്യത്തിന് അകലം ക്രമീകരിച്ചതിനൊപ്പം ഇത്തവണ ഇരുവരുടെയും ഇരിപ്പിടങ്ങൾ തമ്മിൽ കാണാവുന്ന ഗ്ലാസ് ഷീൽഡ് ഉപയോഗിച്ച് സുരക്ഷിതമായി മറക്കുകയും ചെയ്തിരുന്നു.
ഇരുവരുടെയും സംവാദം നിയന്ത്രിച്ചിരുന്ന മോഡറേറ്റർക്ക് ഇവരിൽ നിന്ന് കൃത്യമായ അകലം പാലിച്ചാണ് ഇരിപ്പിടമൊരുക്കിയതും.
