കൊല്‍ക്കത്ത: കടല്‍തീരത്ത് 35 അടി നീളമുള്ള തിമിംഗലത്തിന്റെ ജഡം വന്നടിഞ്ഞു. ബംഗാളിലെ മന്ദര്‍മണി കടൽതീരത്താണ് ഭീമൻ തിമിംഗലത്തിന്റെ ജഡം വന്നടിഞ്ഞത്. തിമിംഗലത്തിന്റെ തല രക്തത്തില്‍ കുളിച്ചുകിടക്കുകയായിരുന്നു. തിങ്കളാഴ്ച രാവിലെയാണ് നാട്ടുകാര്‍ ജഡം കണ്ടത്. ഇവിടെ ആദ്യമായിട്ടാണ് തിമിംഗലത്തിന്റെ ജഡം ഇവിടെ വന്നടിയുന്നതെന്ന് നാട്ടുകാര്‍ പറഞ്ഞു.
ഈസ്റ്റ് മിഡ്‌നാപുര്‍ ജില്ലയിലെ വനം-വന്യജീവി, ഫിഷറീസ് അധികൃതര്‍ സ്ഥലത്തെത്തി പരിശോധന നടത്തി. ശരീരത്തിന്റെ മറ്റ് പല ഭാഗങ്ങളിലും പരിക്കേറ്റിട്ടുണ്ട്. മരണകാരണം എന്താണെന്ന് വ്യക്തമായിട്ടില്ല. ബംഗാളിലെ പ്രധാന വിനോദ സഞ്ചാര ബീച്ചാണ് മന്ദര്‍മണി.
കൊറോണ പ്രതിരോധത്തിന്റെ ഭാഗമായുള്ള ലോക്ക്ഡൗൺമൂലം ബിച്ച് ഇപ്പോള്‍ അടച്ചിട്ടിരിക്കുകയാണ്.
