കുവൈറ്റ്: കൊറോണ ബാധിച്ച് ചികിത്സയിലായിരുന്ന ഒരു മലയാളി കൂടി കുവൈറ്റിൽ മരിച്ചു. തൃശൂർ വലപ്പാട് തോപ്പിയിൽ വീട്ടില്‍ അബ്ദുൽ ഗഫൂർ (54) ആണ് മരിച്ചത്.
അബ്ദുൽ ഗഫൂൾ സിറ്റിയിൽ തയ്യൽ ജോലിക്കാരനായിരുന്നു. നേരത്തേ ഹൃദ്രോഗിയായ അബ്ദുൽ ഗഫൂർ നിമോണിയാ ബാധിച്ച് ചികിൽസയിലായിരുന്നു. ഭാര്യ: ഷാഹിദ. ഇദ്ദേഹത്തിൻ്റെ മക്കളായ മുഹമ്മദ്, അഫ്സാദ് എന്നിവരും കുവൈറ്റിൽ തയ്യൽ ജോലിക്കാരാണ്. കോവിഡ് ക്വാറൻ്റയിനിലാണ് മരുരുമകൾ: ജബി ഫാത്തിമ.
നേരത്തേ ആറന്മുള ഇടയാറൻമുള (കോഴിപ്പാലം) വടക്കനമൂട്ടിൽ രാജേഷ് കുട്ടപ്പൻ നായർ (51) കൊറോണ ബാധിച്ച് മരിച്ചിരുന്നു. ബദർ അൽ മുല്ല കമ്പനിയിൽ ജീവനക്കാരനായിരുന്ന രാജേഷ് കുട്ടപ്പൻ നായർക്ക് താമസിച്ച കെട്ടിടത്തിലെ കൊറോണ ബാധിച്ചവരുമായുള്ള സമ്പർക്കത്തിലൂടെയാണ് വൈറസ് ബാധിച്ചത്.
നേരത്തെ ഫർവാനിയ ആശുപത്രിയിലായിരുന്ന ഇദ്ദേഹത്തെ ഏപ്രിൽ 15 ന് ജാബിർ ആശുപത്രിയിലെ കൊറോണ വാർഡിലേക്ക് മാറ്റി. പിന്നീട് 17 ന് തീവ്രപരിചരണ വിഭാഗത്തിലാക്കുകയുമായിരുന്നു.