തിരുവനന്തപുരം: സംസ്ഥാനത്തെ ക്വാറികള്‍ നിയന്ത്രണവിധേയമായി പ്രവര്‍ത്തിക്കാന്‍ അനുമതി നല്‍കുമെന്നു മുഖ്യമന്ത്രി പിണറായി വിജയന്‍. നിര്‍മാണ മേഖലകളില്‍ നിര്‍മാണ പ്രവര്‍ത്തനങ്ങള്‍ക്ക് അനുമതി നല്‍കിയിരുന്നു.
എന്നാല്‍ അവശ്യ സാധനങ്ങളായ കരിങ്കല്ല് ഉള്‍പ്പെടെയുള്ളവയ്ക്ക് ക്ഷാമം നേരിടുന്നുണ്ട്. ഈ പശ്ചാത്തലത്തില്‍ കേന്ദ്രമാനദണ്ഡമനുസരിച്ച്‌ ക്വാറികള്‍ പ്രവര്‍ത്തിക്കാന്‍ അനുമതി നല്കും.
സിമന്‍റ് കട്ടപിടിച്ചുപോകാനുള്ള സാധ്യത കണക്കിലെടുത്ത് സിമന്‍റ് കടകള്‍ തുറക്കാനും ആവശ്യമായ ക്രമീകരണം നടത്താനുമുള്ള അനുമതി നല്‍കുമെന്നും മുഖ്യമന്ത്രി കൂട്ടിച്ചേര്‍ത്തു.
