യ്യോ.. അപ്പോ ആറുമണിത്തള്ള് ഇല്ലേ? ; പിണറായിയെ ട്രോളി കോൺഗ്രസ് യുവനേതാക്കൾ

തിരുവനന്തപുരം: മുഖ്യമന്ത്രി പിണറായി വിജയൻ ദിവസേന നടത്താറുണ്ടായിരുന്ന പത്രസമ്മേളനം ഇനി എന്നും ഉണ്ടായിരിക്കില്ലെന്ന് വ്യക്തമാക്കിയതോടെ മുഖ്യമന്ത്രിയെ ട്രോളി കോൺഗ്രസ് യുവ നേതൃത്വം. എം.എൽ.എമാരായ വി.ടി ബൽറാം,ഷാഫി പറമ്പിൽ,പി.സി വിഷ്ണുനാഥ്, കെ.എസ് ശബരീനാഥൻ എന്നിവരും കോൺഗ്രസ് നേതാവ് ജ്യോതികുമാർ ചാമക്കാലയും ഫെയ്സ്ബുക്ക് പോസ്റ്റിലൂടെയാണ് ട്രോളുമായി രംഗത്തെത്തിയത്.

കെ.എം ഷാജിയുടെ വാർത്താസമ്മേളനവും സ്പ്രിംഗ്ളർ വിവാദം കത്തുന്നതിനിടെയാണ് ദിവസേനയുള്ള വാർത്താസമ്മേളനം ഇനി ഉണ്ടാകില്ലെന്ന് മുഖ്യമന്ത്രി വ്യക്തമാക്കിയത്. ഇതോടെ കോൺഗ്രസ് നേതാക്കൾ കെ.എം ഷാജിക്ക് അഭിനന്ദനവുമായി രംഗത്തെത്തി.
വ്യാഴാഴ്ച വൈകുന്നേരം ആറുമണിക്ക് നടത്തിയ വാർത്താസമ്മേളനത്തിലാണ് മുഖ്യമന്ത്രി ഇനി എന്നും വാർത്താസമ്മേളനം ഉണ്ടായിരിക്കില്ലെന്ന് വ്യക്തമാക്കിയത്. കൊറോണയുമായി ബന്ധപ്പെട്ട വിവരങ്ങളാണ് ഈ വാർത്താസമ്മേളനത്തിൽ പങ്കുവെച്ചിരുന്നത്.

ഫെയ്സ്ബുക്ക് പോസ്റ്റുകളുടെ പൂർണരൂപം… .