തിരുവനന്തപുരം: സംസ്ഥാനത്ത് ഇന്ന് മൂന്നു പേര്‍ക്ക് കൊറോണ സ്ഥിരീകരിച്ചു. 19 പേര്‍ രോഗവിമുക്തരായി. ഇന്ന് രോഗബാധിതരാണെന്നു കണ്ടെത്തിയ രണ്ടു പേര്‍ സമ്പര്‍ക്കം മൂലവും ഒരാള്‍ വിദേശത്തുനിന്നും വന്നതാണ്. കണ്ണൂര്‍ രണ്ടു പേരും പാലക്കാട് ഒരാളുമാണ് ഇന്ന് രോഗബാധിതരായത്. ഇന്ന് രോഗവിമുക്തരായ 19 പേരില്‍ 12 പേര്‍ കാസര്‍ കോടുനിന്നും പത്തനംതിട്ട തൃശൂര്‍ മൂന്ന് വീതവും കണ്ണൂരില്‍ ഒരാളുമാണ് ഉള്ളത്.
സംസ്ഥാനത്ത് ഇപ്പോള്‍ 1,12,183 പേര്‍ നിരീക്ഷണത്തില്‍ കഴിയുന്നുണ്ട്. ഇവരില്‍ 1,11,468 പേര്‍ വീട്ടിലും 715 പേര്‍ ആശുപത്രിയിലുമാണ് നിരീക്ഷണത്തില്‍ കഴിയുന്നത്. 86 പേരെ ഇന്നു പുതുതായി ആശുപത്രിയില്‍ പ്രവേശിപ്പിച്ചു. ഇതുവരെ 15,683 സാന്പിളുകള്‍ പരിശോധനയ്ക്ക് അയച്ചു. ഇതില്‍ 14,829 എണ്ണം പരിശോധനയില്‍ നെഗറ്റീവ് ആയി.
