തിരുവനന്തപുരം: സംസ്ഥാനത്ത് ഇന്നു രാവിലെ മുതൽ വാഹന പരിശോധന കർശനമാക്കാൻ ഡിജിപി ലോക്നാഥ് ബഹ്റ നിർദേശിച്ചു. ആളുകൾ കൂട്ടം കൂടുന്നത് പൂർണ്ണമായും തടയും. സത്യവാങ്മൂലം ഇല്ലാതെ വാഹനങ്ങളിൽ യാത്ര ചെയ്യുന്നവർക്കെതിരെ നടപടി സ്വീകരിക്കും.
പല ജില്ലാ പോലീസ് മേധാവി മാരും നിയന്ത്രണങ്ങളിൽ ഇന്നലെ അയവ് വരുത്തിയെന്ന വിലയിരുത്തലിനെത്തുടർന്നാണ് ഡിജിപി ഇതു സംബന്ധിച്ച നിർദ്ദേശം പുറപ്പെടുവിച്ചത്.
ട്രഷറികളിലും ബാങ്കുകളിലും സാമൂഹ്യ അകലം പാലിച്ച് വരി നിൽക്കാൻ അനുവദിക്കും.
