മുംബൈ: പൂര്‍ണമായും കൊറോണ വാക്സിൻ സ്വീകരിച്ചവരെ ഇനി എളുപ്പത്തിൽ തിരിച്ചറിയാം. വാക്‌സിനേഷന്‍ സ്വീകരിച്ച വരെ തിരിച്ചറിയാന്‍ കെട്ടിടങ്ങളില്‍ ക്യുആര്‍ കോഡുകളുള്ള ലോഗോ സ്ഥാപിക്കാനൊരുങ്ങി മുംബൈ. മന്ത്രി ആദിത്യ താക്കറെയും ബിഎംസിയും ചേര്‍ന്നാണ് ലോഗോ ഡിസൈന്‍ ചെയ്തത്.
മുംബൈ ഡിഎംസി, അഡീഷണല്‍ മുനിസിപ്പല്‍ കമ്മീഷണര്‍ സുരേഷ് കാക്കനി, കളക്ടര്‍ നിധി ചൗധരി എന്നിവര്‍ അടങ്ങിയ യോഗത്തിലാണ് മന്ത്രി തീരുമാനം അറിയിച്ചത്. ഓഫീസുകളില്‍ വാണിജ്യ സ്ഥാപനങ്ങളിലെ എല്ലാം പ്രവേശന കവാടങ്ങളിലും ക്യുആര്‍ കോഡ് സ്ഥാപിക്കണമെന്നും മന്ത്രി അറിയിച്ചു. കെട്ടിടങ്ങളിലെ താമസക്കാരും, ഓഫീസുകളിലെ ജീവനക്കാര്‍ എല്ലാം വാക്‌സിനേഷന്‍ സ്വീകരിച്ചിട്ടുണ്ടോ എന്ന് അറിയാന്‍ ക്യുആര്‍ കോഡുകള്‍ സഹായിക്കുമെന്നും മന്ത്രി വ്യക്തമാക്കി.
അതേസമയം കേരളത്തില്‍ ഒരു കോടിയിലധികം പേര്‍ കൊറോണ വാക്‌സീന്‍ രണ്ട് ഡോസും സ്വീകരിച്ച്‌ വാക്‌സിനേഷന്‍ പൂര്‍ത്തിയാക്കിയതായി ആരോഗ്യ വകുപ്പ് അറിയിച്ചു.
