ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനുള്ളില്‍ 38,948 പേര്‍ക്ക് കൂടി പുതുതായി കൊറോണ സ്ഥിരീകരിച്ചു. 219 പേര്‍ മരണമടഞ്ഞു. പ്രതിദിന രോഗികളുടെ എണ്ണത്തില്‍ മുന്‍ ദിവസത്തെ അപേക്ഷിച്ച് 8.9% കുറവുണ്ട്. 43,903 പേര്‍ ഇന്നലെ രോഗമുക്തരായി. പുതിയ രോഗികളില്‍ 26,701 പേര്‍ കേരളത്തിലാണ്. 74 മരണവും ഇന്നലെ റിപ്പോര്‍ട്ട് ചെയ്തു.

നിലവില്‍ 4,04,874 സജീവ രോഗികളുണ്ട്. ആകെ 3,30,27,621 പേര്‍ രോഗബാധിതരായപ്പോള്‍ 3,21,81,995 പേര്‍ രോഗമുക്തരായി. 4,40,752 പേര്‍ മരണമടഞ്ഞു. 68,75,41,762 ഡോസ് വാക്‌സിന്‍ വിതരണം ചെയ്തു.

53,14,68,867 സാംപിള്‍ കൊറോണ ടെസ്റ്റുകള്‍ നടത്തി. ഇന്നലെ മാത്രം 14,10,649 ടെസ്റ്റുകളാണ് നടത്തിയതെന്ന് ഐ.സി.എം.ആര്‍ അറിയിച്ചു.