മസ്‌കറ്റ്: അന്താരാഷ്ട്ര മയക്കുമരുന്ന് കടത്ത് സംഘത്തെ റോയല്‍ ഒമാന്‍ പൊലീസ് അറസ്റ്റ് ചെയ്തു. മയക്കുമരുന്ന് കടത്തിയതിനും ലഹരി വസ്തുക്കള്‍ ഉല്‍പ്പാദിപ്പിക്കുന്നതിനും നേതൃത്വം നല്‍കിയതിനാണ് അറസ്റ്റ്.
170 കിലോഗ്രാമിലധികം വ്യത്യസ്തതരം ലഹരി മരുന്നുകള്‍ ഈ സംഘത്തിന്റെ പക്കല്‍ നിന്നും കണ്ടെത്തിയതായി റോയല്‍ ഒമാന്‍ പൊലീസിന്റെ അറിയിപ്പില്‍ പറയുന്നു.
ലഹരി വസ്തുക്കള്‍ ഉല്‍പ്പാദിപ്പിക്കാനുള്ള വസ്തുക്കളും പൊലീസ് പിടിച്ചെടുത്തു. നിയമനടപടികള്‍ പുരോഗമിച്ചു വരുന്നതായി പൊലീസ് വ്യക്തമാക്കി.
