പ​രി​ശോ​ധ​ന ഊർജ്ജിതമാക്കി; ലൈ​ഫ് ജാ​ക്ക​റ്റ് ധരിക്കാത്ത മത്സ്യത്തൊഴിലാളികൾക്കെതിരെ ക​ര്‍​ശ​ന ന​ട​പ​ടിക്ക് ഫിഷറീസ് വകുപ്പ്

പൊ​ന്നാ​നി: സൗ​ജ​ന്യ​മാ​യോ കു​റ​ഞ്ഞ നി​ര​ക്കി​ലോ സ​ര്‍​ക്കാ​ര്‍ ന​ല്‍​കി​യ ലൈ​ഫ് ജാ​ക്ക​റ്റ് ഉ​ണ്ടെ​ങ്കി​ലും ഭൂ​രി​പ​ക്ഷം മ​ത്സ്യ​ത്തൊ​ഴി​ലാ​ളി​ക​ള്‍​ക്കും ധ​രി​ക്കാ​ന്‍ മ​ടിയാണ്. ഇ​തോടെ പ​രി​ശോ​ധ​ന ക​ര്‍​ശ​ന​മാ​ക്കാ​ന്‍ ഫി​ഷ​റീ​സ് അ​ധി​കൃ​ത​ര്‍ രം​ഗ​ത്തെ​ത്തി. ക​ട​ലി​ല്‍ പോ​കു​മ്പോള്‍ ലൈ​ഫ് ജാ​ക്ക​റ്റ് ധ​രി​ക്ക​ണ​മെ​ന്ന് ഫി​ഷ​റീ​സ് വ​കു​പ്പിെന്‍റ നി​ര​ന്ത​ര മു​ന്ന​റി​യി​പ്പ് ഉ​ണ്ടെ​ങ്കി​ലും ധ​രി​ക്കാ​ന്‍ മ​ടി കാ​ണി​ക്കു​ക​യാ​ണ് മ​ത്സ്യ​ത്തൊ​ഴി​ലാ​ളി​ക​ള്‍.

തു​ട​ര്‍​ച്ച​യാ​യു​ള്ള അ​പ​ക​ട​ങ്ങ​ളു​ടെ പ​ശ്ചാ​ത്ത​ല​ത്തി​ല്‍ ലൈ​ഫ് ജാ​ക്ക​റ്റ് അ​ട​ക്ക​മു​ള്ള സു​ര​ക്ഷ ഉ​പ​ക​ര​ണ​ങ്ങ​ളി​ല്ലാ​തെ ക​ട​ലി​ല്‍ പോ​കു​ന്ന​വ​ര്‍​ക്കെ​തി​രെ ക​ര്‍​ശ​ന ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​നാ​ണ് ഫി​ഷ​റീ​സ് വ​കു​പ്പി​ൻ്റെ തീ​രു​മാ​നം. മ​റൈ​ന്‍ എ​ന്‍​ഫോ​ഴ്സ്‌​മെന്‍റിെന്‍റ​യും ലോ​ക്ക​ല്‍ പൊ​ലീ​സിൻ്റെയും സ​ഹ​ക​ര​ണ​ത്തോ​ടെ വ​കു​പ്പ് തി​ര​ച്ചി​ല്‍ ശ​ക്ത​മാ​ക്കു​ന്ന​തോ​ടെ സു​ര​ക്ഷ ഉ​പ​ക​ര​ണ​ങ്ങ​ളി​ല്ലാ​ത്ത വ​ള്ള​ങ്ങ​ള്‍​ക്ക് പി​ടി​വീ​ഴും.

വ​ള്ള​മു​ട​മ​ക്കെ​തി​രെ​യാ​ണ് ന​ട​പ​ടി. പി​ഴ​യും ലൈ​സ​ന്‍​സ് റ​ദ്ദാ​ക്ക​ലു​മ​ട​ക്ക​മു​ള്ള ന​ട​പ​ടി​ക​ളി​ലേ​ക്ക് ക​ട​ക്കാ​നാ​ണ് തീ​രു​മാ​നം. ക​ഴി​ഞ്ഞ​ ദി​വ​സം പൊ​ന്നാ​നി​യി​ല്‍ ശ​ക്ത​മാ​യ തി​ര​യി​ല്‍​പെ​ട്ട് വ​ള്ളം മ​റി​ഞ്ഞു​ണ്ടാ​യ അ​പ​ക​ട​ത്തി​ല്‍ മൂ​ന്നു​പേ​ര്‍ നീ​ന്തി ര​ക്ഷ​പ്പെ​ടു​ക​യാ​യി​രു​ന്നു. ഇ​വ​രാ​രും ലൈ​ഫ് ജാ​ക്ക​റ്റ് ധ​രി​ച്ചി​രു​ന്നി​ല്ല. ലൈ​ഫ് ജാ​ക്ക​റ്റു​ള്ള​വ​ര്‍ പോ​ലും ഇ​ടാ​ന്‍ മ​ടി​ക്കു​ന്നു​വെ​ന്നു​ ത​ന്നെ​യാ​ണ് തീ​ര​ദേ​ശ പൊ​ലീസിൻ്റെ അ​ഭി​പ്രാ​യം.

അ​പ​ക​ട​ങ്ങ​ളെ​ക്കു​റി​ച്ച്‌ ബോ​ധ‍്യ​മു​ണ്ടാ​യി​ട്ടും സു​ര​ക്ഷ ഉ​പ​ക​ര​ണ​ങ്ങ​ള്‍ ഉ​പ​യോ​ഗി​ക്കാ​ത്ത​തി​നാ​ല്‍ ബോ​ധ​വ​ത്ക​ര​ണം ആ​വ​ശ്യ​മാ​ണ്. ഇ​തു​ സം​ബ​ന്ധി​ച്ച്‌ ക്യാമ്പെയി​ന്‍ സം​ഘ​ടി​പ്പി​ക്കാ​ന്‍ തീ​ര​ദേ​ശ പൊ​ലീ​സ് ആ​ലോ​ചി​ക്കു​ന്നു​ണ്ടെ​ന്നും ബ​ന്ധ​പ്പെ​ട്ട​വ​ര്‍ പ​റ​ഞ്ഞു.
വ​ള്ള​ങ്ങ​ളു​ടെ ര​ജി​സ്ട്രേ​ഷ​ന്‍ സ​മ​യ​ത്തും വ​ര്‍​ഷാ​വ​ര്‍​ഷം ലൈ​സ​ന്‍​സ് പു​തു​ക്കു​മ്പോഴും ലൈ​ഫ് ജാ​ക്ക​റ്റ​ട​ക്ക​മു​ള്ള സു​ര​ക്ഷ ഉ​പ​ക​ര​ണ​ങ്ങ​ള്‍ വ​ള്ള​ങ്ങ​ളി​ലു​ണ്ടോ​യെ​ന്ന് ഉ​റ​പ്പു​വ​രു​ത്തു​ന്ന​താ​ണ്.

ലൈ​ഫ് ജാ​ക്ക​റ്റു​ക​ള്‍ ധ​രി​ക്ക​ണ​മെ​ന്ന് നി​ര​വ​ധി ത​വ​ണ നി​ര്‍​ദേ​ശ​വും ന​ല്‍​കി. ഇ​നി​യും ജാ​ക്ക​റ്റ് ല​ഭി​ക്കാ​ത്ത​വ​രു​ണ്ടെ​ങ്കി​ല്‍ അ​വ​ര്‍​ക്ക് എ​ത്തി​ക്കാ​ന്‍ ന​ട​പ​ടി​ക​ള്‍ സ്വീ​ക​രി​ക്കു​മെ​ന്ന് ഫി​ഷ​റീ​സ് വ​കു​പ്പ് അ​ധി​കൃ​ത​ര്‍ അ​റി​യി​ച്ചു. ലൈ​ഫ് ജാ​ക്ക​റ്റ് ധ​രി​ക്കാ​തെ ഇ​നി​മു​ത​ല്‍ ക​ട​ലി​ല്‍ പോ​കാ​ന്‍ അ​നു​വ​ദി​ക്കി​ല്ലെ​ന്ന് ഫി​ഷ​റീ​സ് ഡി.​ഡി മു​ന്ന​റി​യി​പ്പ് ന​ല്‍​കി. ലൈ​ഫ് ജാ​ക്ക​റ്റ് ധ​രി​ക്കാ​തെ മീ​ന്‍​പി​ടി​ക്കാ​ന്‍ പോ​യാ​ല്‍ തീ​ര​ദേ​ശ പൊ​ലീ​സ് പ​രി​ശോ​ധ​ന ന​ട​ത്തി ഫി​ഷ​റീ​സ് അ​ധി​കാ​രി​ക​ളെ വി​വ​ര​മ​റി​യി​ക്കും.

മാ​ത്ര​മ​ല്ല വ​ള്ളം പി​ടി​കൂ​ടി ഉ​ട​മ​ക്കെ​തി​രെ കേ​സെ​ടു​ക്കു​ക​യും 25,000 രൂ​പ വ​രെ പി​ഴ ഈ​ടാ​ക്കു​ക​യും ചെ​യ്യു​മെ​ന്ന് ഫി​ഷ​റീ​സ് ഡ​യ​റ​ക്ട​ര്‍ അ​റി​യി​ച്ചു. ക​ട​ലി​ല്‍ തീ​ര​ദേ​ശ പൊ​ലീ​സും ഫി​ഷ​റീ​സ് വ​കു​പ്പും പ​രി​ശോ​ധ​ന ക​ര്‍​ശ​ന​മാ​ക്കി​യി​ട്ടു​ണ്ട്. മ​ത്സ്യ​ഫെ​ഡ് വ്യാ​സ സ്​​റ്റോ​ര്‍ വ​ഴി ന​ല്ല​യി​നം ലൈ​ഫ് ജാ​ക്ക​റ്റ് വി​ത​ര​ണം ചെ​യ്യു​ന്നു​ണ്ട്.