തിരുവനന്തപുരം: ആർസിസിയിൽ ശസ്ത്രക്രിയകൾ പുനരാരംഭിക്കുമെന്ന് മുഖ്യമന്ത്രി പിണറായി വിജയൻ.
ക്യാൻസർ ശസ്ത്രക്രിയ അധികകാലം മാറ്റിവയ്ക്കാനാവില്ല. അതിനാൽ ആർസിസിയിൽ ശസ്ത്രക്രിയകൾ പുനരാരംഭിച്ചിട്ടുണ്ട്. ആർസിസിയിൽ ശസ്ത്രക്രിയകൾക്ക് മുൻപ് രോഗികൾക്ക് കൊറോണ ടെസ്റ്റ് നടത്തും. ശസ്ത്രക്രിയക്ക് ഇടയിലും ശേഷവും ഉണ്ടാവുന്ന സ്രവങ്ങളിൽ ആരോഗ്യപ്രവർത്തകർ സ്പർശിക്കേണ്ടി വരും എന്ന കാര്യം പരിഗണിച്ചാണ് ഇത്. രോഗപ്രതിരോധശേഷി കുറഞ്ഞവർക്ക് കൊറോണ വന്നാൽ പെട്ടെന്ന് ഗുരുതരമാകുന്ന അവസ്ഥയുണ്ട്. ആർസിസിയിലെ കൊറോണ പരിശോധനാകേന്ദ്രത്തിന് ഐസിഎംആർ അനുമതി കിട്ടും വരെ തിരുവനന്തപുരം മെഡിക്കൽ കോളേജിൽ പരിശോധനകൾ തുടരും.
