ബാലുശ്ശേരി: പീഡിപ്പിക്കാനുള്ള ശ്രമത്തിനിടെ ഓട്ടോയില്‍ നിന്ന് പുറത്തേക്ക് ചാടിയ യുവതിക്ക് പരിക്ക്. ഡ്രൈവര്‍ പനങ്ങാട് കൂനേല്‍ മാക്കൂല്‍ സുബീഷിനെ (38) ബാലുശ്ശേരി പൊലീസ് അറസ്റ്റ് ചെയ്തു.
വട്ടോളി ബസാര്‍ – കിനാലൂര്‍ റോഡിലാണ് സംഭവം. വട്ടോളി ബസാറിലേക്ക് ഓട്ടോയില്‍ കയറിയ യുവതിയോട് ഓട്ടോ ഡ്രൈവര്‍ അപമര്യാദയായി പെരുമാറിയതോടെ യുവതി ഓട്ടോ നിര്‍ത്താന്‍ പറഞ്ഞെങ്കിലും നിര്‍ത്താതെ പോയതിനെ തുടര്‍ന്ന് യുവതി ഏര്‍വാടി മുക്കിലെത്തിയപ്പോള്‍ പുറത്തേക്ക് ചാടുകയായിരുന്നു.
അപകടത്തില്‍ യുവതിയുടെ കാലിന് ഗുരുതരപരിക്കേറ്റിട്ടുണ്ട്. ആശുപത്രിയില്‍ ചികിത്സയിലാണ്. പേരാമ്പ്ര കോടതിയില്‍ ഹാജരാക്കിയ പ്രതിയെ കോടതി റിമാന്‍ഡ് ചെയ്തു.
