ന്യൂയോര്‍ക്ക്: കൊറോണ സംബന്ധമായ ഒരു വിവരവും ആരില്‍ നിന്നും മറച്ചുവച്ചിട്ടില്ലെന്ന് ലോകാരോഗ്യ സംഘടന (ഡബ്ല്യുഎച്ച്‌ഒ) ഡയറക്ടര്‍ ജനറല്‍ ടെഡ്രോസ് അഥനം ഗ്ബ്രിയേസിസ് .
യുഎസ് സെന്‍റേഴ്സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവൈന്‍ഷന്‍ (സിഡിസി)ന് വൈറസ് ബാധ സംബന്ധിച്ച്‌ നേരത്തെ വിവരങ്ങള്‍ നല്‍കിയിരുന്നുവെന്ന് ടെഡ്രോസ് അഥനം പറഞ്ഞു.
ലോകാരോഗ്യ സംഘടനയ്ക്ക് രഹസ്യങ്ങള്‍ ഒന്നും തന്നെയില്ല. എന്തെങ്കിലും വിവരങ്ങള്‍ ലഭിച്ചാല്‍ അപ്പോള്‍ തന്നെ അത് മറ്റുള്ളവരിലേക്ക് എത്തിക്കാനുള്ള ശ്രമം നടത്താറുണ്ട്. ഇത് ജനങ്ങളുടെ ജീവന്‍റെ പ്രശ്നമാണ് എന്ന് ഡബ്ല്യുഎച്ച്‌ഒയ്ക്ക് ഉത്തമ ബോധ്യമുണ്ട്- അദ്ദേഹം പറഞ്ഞു.
ലോകാരോഗ്യ സംഘടന ചൈനയ്ക്ക് അനുകൂലമായ നിലപാടുകളാണ് തുടര്‍ച്ചയായി സ്വീകരിക്കുന്നത് എന്ന് അമേരിക്ക ആരോപിച്ചിരുന്നു. തുടര്‍ന്ന് സംഘടനയ്ക്കുള്ള സാമ്പത്തിക സഹായം നല്‍കുന്നത് അമേരിക്ക നിര്‍ത്തലാക്കിയിരുന്നു
