തിരുവനന്തപുരം: കേരള നിയമസഭയുടെ പ്രതിപക്ഷ ചീഫ് വിപ്പായി അഡ്വ. മോൻസ് ജോസഫ് എംഎൽഎ തെരഞ്ഞെടുക്കപ്പെട്ടു. യുഡിഎഫ് നിയമസഭാകക്ഷി സെക്രട്ടറി സ്ഥാനത്തേക്ക് പി.സി. വിഷ്ണുനാഥ് എംഎൽഎ യെ തെരഞ്ഞെടുത്തു.
അനൂപ് ജേക്കബ് എംഎൽഎയാണ് പാർലമെൻററി പാർട്ടി ട്രഷറർ. പ്രതിപക്ഷ നേതാവ് വി.ഡി. സതീശൻറെ അധ്യക്ഷതയിൽ നിയമസഭാ സമുച്ചയത്തിൽ ചേർന്ന പതിനഞ്ചാം കേരള നിയമസഭയിലെ യുഡിഎഫ് എംഎൽഎമാരുടെ പ്രഥമ യോഗത്തിലാണ് വിവിധ സ്ഥാനങ്ങളിലേക്കുള്ള തെരഞ്ഞെടുപ്പ് നടത്തിയത്.
അതേസമയം കോൺഗ്രസ് പാർലമെന്ററി പാർട്ടി ഉപനേതാവായി കെ ബാബുവിനെ തെരഞ്ഞെടുത്തു. സെക്രട്ടറിയായി എ പി അനിൽകുമാറിനെയും തെരഞ്ഞെടുത്തു. ഐ സി ബാലകൃഷ്ണൻ (ട്രഷറർ ) ടി സിദ്ദിഖ്, എം വിൻസന്റ് (വിപ്പുമാർ ) എന്നിവരെ നിയമിച്ചതായി പ്രതിപക്ഷ നേതാവ് വി ഡി സതീശൻ അറിയിച്ചു. ലിസ്റ്റിന് കോൺഗ്രസ്സ് പ്രസിഡന്റ് സോണിയാ ഗാന്ധി അംഗീകാരം നൽകി.
