ന്യൂഡെൽഹി: മണിപ്പൂരിലെ ഉഖ്രുലിലും മഹാരാഷ്ട്രയിലെ കോലാപൂരിലും ഭൂചലനം അനുഭവപ്പെട്ടു. ഉഖ്രുലിൽ ഇന്ന് രാവിലെയുണ്ടായ ഭൂചലനം റിക്ടർ സ്കെയിലിൽ 4.3 തീവ്രത രേഖപ്പെടുത്തിയതായി നാഷനൽ സെൻറർ ഫോർ സെസിമോളജി അറിയിച്ചു.
രാവിലെ 6:56നാണ് ഭൂചലനമുണ്ടായത്. മേയ് 15ന് ഉഖ്രുലിൽ ഇതേ തീവ്രതയിലുള്ള ഭൂചലനമുണ്ടായിരുന്നു. കോലാപൂരിലും ഇന്ന് രാവിലെ 09:16നുണ്ടായ ഭൂചലനത്തിന് റിക്ടർ സ്കെയിലിൽ 3.3 തീവ്രതയാണ് രേഖപ്പെടുത്തിയത്.
